សម្តេចអគ្គមហាពញាចក្រី ហេង សំរិន បានទទួលជួប សវនាការជាមួយ ឯកឧត្តម សីវ៉ង់ វ៉ាសឺម៉ង់ អនុប្រធានរដ្ឋសភានៃសាធារណរដ្ឋបារាំង

ឯកឧត្តម សីវ៉ង់ វ៉ាសឺម៉ង់ បានគូសបញ្ជាក់ថាដំណើរទស្សនកិច្ចរបស់ឯកឧត្តមនៅក្នុងឱកាសនេះ ក្នុងគោល បំណងពង្រឹងពង្រីកវិស័យការទូតសភាជាមួយកម្ពុជាហើយឯកឧត្តម បានវាយតម្លៃខ្ពស់ចំពោះកិច្ចសហប្រតិបត្តិការ និងចំណងមិត្តភាពរវាងប្រទេស កម្ពុជា-បារំាង ដែលជាចំណងមិត្តភាពជិតស្និទ្ធ ជឿជាក់និងបើកចំហរ។ តាមរយៈចំណងមិត្តភាពដ៍ល្អនេះ បានជំរុញឲ្យមានគម្រោងវិនិយោគ ទេសចរនិងជំនួយជាច្រើនរបស់បារំាងមកកាន់កម្ពុជា។

ឯកឧត្តមអនុប្រធានរដ្ឋសភាបារំាង បានវាយតម្លៃខ្ពស់ពីកិច្ចសហប្រតិបត្តិការផ្នែកវប្បធម៌នៃប្រទេសទំាងពីរ។ នៅកម្ពុជាមានពលរដ្ឋនិងមន្រ្តីរាជការជាច្រើននៅតែប្រើប្រាស់ភាសាបារំាង។ សម្តេចអគ្គមហាពញាចក្រី ហេង សំរិន បានលើកឡើងផងដែរពីការគំាទ្រគ្នាទៅវិញទៅមករវាងសភាប្រទេសទាំងពីរ ទាំងក្នុងក្របខ័ណ្ឌទ្វេរភាគីនិងពហុភាគី។

ចំពោះទំនាក់ទំនងផ្នែកពាណិជ្ជកម្ម រវាងប្រទេស ទាំងពីរវិញ សម្តេចបានលើកឡើងថា មានការរីកចំរើនជាលំដាប់ ពោលគឺទំហំទឹក ប្រាក់វិនិយោគបានកើនដល់ជាង ១ពាន់លានដុល្លារ។ កម្ពុជាបាននាំចេញអង្ករច្រើន ក្នុងលំដាប់ទី២ ទៅកាន់ប្រទេសបារាំង គឺប្រមាណជិត ៨ម៉ឺនតោន។

សម្តេចប្រធានរដ្ឋសភា បានផ្តាំផ្ញើដល់អនុប្រធានរដ្ឋសភាប្រទេសបារំាង ជួយគំាទ្រនិងជំរុញ អ្នកវវិនិយោគ អ្នកទេសចរបារំាង មកវិនិយោគនិងទស្សនាកម្ពុជាឲ្យកាន់តែច្រើនបន្ថែមទៀត៕