ព្រឹកថ្ងៃអាទិត្យ ១រោច ខែមិគសិរ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី២៣ ខែធ្នូ ឆ្នាំ២០១៨ ឯកឧត្តម នុត ពុធដារ៉ា ជំនួយការសម្តេចតេជោ នាយករដ្ឋមន្ត្រី និងជាអភិបាលខណ្ឌដង្កោ បានចុះសំណេះសំណាលសួរសុខទុក្ខបងប្អូនប្រជាពលរដ្ឋ ក្នុងភូមិត្រពាំងចក សង្កាត់ព្រៃវែង និងបានបានធ្វើការពិភាក្សាគ្នារកដំណោះស្រាយការផ្គត់ផ្គង់ទឹកស្អាតជូនប្រជាពលរដ្ឋ ដោយសារនៅភូមិត្រពាំងចក ពុំមានប្រភពទឹក ហើយទឹកដែលទិញពីឯកជន មានតម្លៃថ្លៃ ដូច្នេះរដ្ឋបាលខណ្ឌបានទទទួលការណែនាំពីឯកឧត្តមអភិបាលរាជធានីភ្នំពេញដើម្បីពិនិត្យ និងរកមធ្យោបាយ ផ្គត់ផ្គង់ទឹកស្អាតជូនប្រជាពលរដ្ឋ ក្នុងតម្លៃសមរម្យ។
