ក្នុងដំណើរបំពេញបេសកម្មចុះពិនិត្យសមិទ្ធផលនានានៅទិសពាយ័ព្យនៃប្រទេស សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា អញ្ជើញចុះពិនិត្យ និងផ្តល់អគារសិក្សា ព្រមទាំង ជួបសំណេះសំណាលជាមួយលោកគ្រូ អ្នកគ្រូ សិស្សានុសិស្ស ចំនួន ៤សាលា រួមមានសាលាវិទ្យាល័យម៉ាឡៃ សាលាបឋមសិក្សាម៉ាឡៃ សាលាបឋមសិក្សា ហ៊ុន សែន សង្កែ និងសាលាបឋមសិក្សា បឹងបេង ដែលស្ថិតតាម
ដងផ្លូវ ពីខេត្តបន្ទាយមានជ័យ ឆ្ពោះទៅខេត្តប៉ៃលិន ក្នុងស្រុកម៉ាឡៃ ខេត្តបន្ទាយមានជ័យ នាព្រឹកថ្ងៃទី១៩ ខែតុលា ឆ្នាំ២០១៦។
នៅក្នុងឱកាសអញ្ជើញចុះពិនិត្យនោះ សម្តេចតេជោ ហ៊ុន សែន បានផ្តល់នូវអគារសិក្សា ទីចាត់ការ និងរៀបចំទីធ្លាសាលា ព្រមទាំងចាក់ប៉េតុងផ្លូវចូលសាលារៀនផងដែរ។
