នៅរសៀលថ្ងៃពុធ ០២ កើត ខែមាឃ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី០៦ ខែកុម្ភៈ ឆ្នាំ២០១៩ លោក ពៅ ពិសិដ្ឋ អភិបាលរងខេត្ត តំណាងឯកឧត្តម ទៀ សីហា អភិបាល នៃគណៈអភិបាលខេត្តសៀមរាប អញ្ជើញដឹកនាំកិច្ចប្រជុំស្តីពីការរៀបចំសន្តិសុខ សណ្តាប់ធ្នាប់ របៀបរៀបរយសាធារណៈនិងបរិស្ថានអនាម័យ នៅបរិវេណផ្សាររាត្រីអង្គរឃ្យូងយូ (វិថីសម្តេចបញ្ញា សុខ អាន) ស្ថិតនៅភូមិបឹងដូនប៉ា សង្កាត់ស្លក្រាម ក្រុងសៀមរាប ខេត្តសៀមរាប។
កិច្ចប្រជុំនេះក៏មានការអញ្ជើញចូលរួមពី លោកនាយករដ្ឋបាលសាលាខេត្ត លោក លោកស្រី តំណាងមន្ទីរ-អង្គភាពពាក់ព័ន្ទ លោកចៅសង្កាត់ស្លក្រាម មេប៉ុស្ត៍ស្លក្រាម ។ កិច្ចប្រជុំនេះរៀបចំនៅសាលាខេត្តសៀមរាប ។
ជាមួយគ្នានេះដែរ លោក អភិបាលរងខេត្តក៏បានជំរុញដល់ក្រុមការងារបន្តអុវត្តក្នុងការរៀបចំសណ្តាប់ធ្នាប់សាធារណៈអោយមានសណ្តាប់ធ្នាន់និងរបៀបរៀបរយ ដើម្បីបញ្ចៀសការកកស្ទះ។
ជាមួយគ្នានេះលោកក៏បានណែនាំបន្ថែមដល់អ្នកគ្រប់តំបន់នោះ ដោយអប់រំផ្សព្វផ្សាយដល់អាជីវករត្រូវថែរក្សាអនាម័យបរិស្ថាននៅតាមកន្លែងលក់នីមួយៗ(កន្លែងលក់ផ្ទាល់ខ្លួន)ជាប្រចាំ។ ម្យ៉ាងទៀត ចំពោះសំណង់តូបដែលសាងសង់នៅតាមបណ្តោផ្លូវសម្តេចវិបុលបញ្ញា សុខ អាន ត្រូវធ្វើរុះរើវិញតាមការកំណត់របស់អាជ្ញាធរខេត្តដោយមិនអនុញ្ញាតទុកធ្វើអោយបាត់បង់សោភណ្ឌភាពក្រុងឡើយ៕