នៅថ្ងៃអាទិត្យ ១២រោច ខែមាឃ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី០៣ ខែមីនា ឆ្នាំ២០១៩ ឯកឧត្តម ម៉ៅ ហាក់ នាយកគម្រោង WAT4CAM ក្រុមបេសកកម្ម AFD-Paris លោកស្រី Alexia លោកស្រី Naomi និងក្រុមការងារ បានចុះពិនិត្យទីតាំងប្រព័ន្ធធារាសាស្ត្រ នៅខេត្តព្រះវិហារ ចំនួន ២កន្លែង គឺនៅអាងទឹកអូសករាជ ក្នុង ស្រុករវៀង និងអាងទឹកអូរស្នៀត ក្នុងស្រុកជ័យសែន ដេីម្បីដាក់បញ្ចូនក្នុងគម្រោង WAT4CAM ក្នុងBach ២ ក្នុងការជួសជុលកែលម្អឡេីងវិញ។
អត្ថប្រយោជន៍អាងទឹកទាំង២នេះគឺ :
-អាងអូរសករាជក្រោយស្តាររួចអាច មានសក្តានុពលស្រោចស្រពបាន ជាង1.000ហិចតា និងអាចស្រោចស្រពនៅរដូវប្រាំងបានមួយចំនួនបន្ថែមទៀត ។
-អាងទឹកអូរស្នៀត អាចស្រោចស្រពបាន 1.500ហិចតា និងអាចស្រោចស្រព រដូវប្រាំងបានមួយចំនួនបន្ថែមទៀត ។