ព្រះវិហារ៖នៅរសៀលថ្ងៃទី ១ ខែ មេសា ឆ្នាំ ២០១៩នេះ រដ្ឋបាលខេត្តព្រះវិហារ ដឹកនាំដោយឯកឧត្តម អ៊ុន ចាន់ដា អភិបាល នៃគណៈអភិ បាលខេត្តព្រះវិហារ និងឯកឧត្តម ឡុង សុវណ្ណ ប្រធានក្រុមប្រឹក្សាខេត្តព្រះវិហារ អញ្ជើញសំណេះ សំណាលជាមួយអ្នកសារព័ត៌មានប្រចាំខេត្តព្រះវិហារ ដោយមានការចូលរួមពី សមាជិក-សមាជិកា អ្នកសារព័ត៌មាននៅក្នុងខេត្ត ឯកឧត្តម លោកជំទាវ លោក លោកស្រីប្រធានមន្ទីរ អង្គភាពជុំវិញខេត្ត កងកម្លាំងទាំង៣ តំណាងស្ថាប័នតុលាការខេត្តអភិបាលក្រុង-ស្រុក ចូលរួមផងដែរ។
ក្នុងឱកាសនោះ ឯកឧត្តមអភិបាលខេត្ត មានប្រសាសន៍ថា:(ចាត់ទុកអ្នកសារព័ត៌មាន គឺជាដៃគូរដ៏ល្អ របស់រដ្ឋបាលថ្នាក់ក្រោមជាតិ ជាកញ្ចក់ឆ្លុះបញ្ចាំងពីសកម្មភាពការងារ និងសមិទ្ធផលដែលថ្នាក់ក្រោមជាតិសម្រេចបាន ជាមួយ និងការចាត់ទុកអ្នកសារព័ត៌មាន ជាដៃគូរដ៏ល្អ ជា មួយគ្នាអ្នកសារព័ត៌មានត្រូវមានភាពស្មោះត្រង់ ដោយផ្សាយនូវព័ត៌មានពិតជាក់ស្តែង ) នៅសាលប្រជុំធំជាន់ទី៣ សាលាខេត្តព្រះវិហារ៕