រសៀលថ្ងៃព្រហស្បតិ៍ ៧កើត ខែចេត្រ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី ១១ ខែមេសា ឆ្នាំ២០១៩ សម្តេចវិបុលសេនាភក្តី សាយ ឈុំ ប្រធានព្រឹទ្ធសភា នៃព្រះរាជាណាចក្រកម្ពុជា និងលោកជំទាវ ព្រមទាំងបុត្រធីតា បានអញ្ជើញ នាំយកនូវបច្ច័យ ទេយ្យទាន និងគ្រឿងបរិក្ខាផ្សេងៗ ទៅ ថ្វាយសម្តេចព្រះមហាសុមេធាធិបតី នន្ទ ង៉ែត សម្តេចព្រះសង្ឃនាយក នៃព្រះរាជាណាចក្រកម្ពុជា និងជាព្រះចៅអធិការវត្ត បទុមវតី សម្រាប់សម្តេចចាត់ចែងក្នុងពិធីអបអរសាទរបុណ្យចូលឆ្នាំថ្មីប្រពៃណីជាតិ ឆ្នាំកុរឯកស័ក ព .ស ២៥៦៣ ដែលនឹងឈានចូលមកដល់នាពេលខាងមុខនេះ។
ទេយ្យវត្ថុ និងគ្រឿងបរិក្ខា ដែលប្រគេនថ្វាយសម្តេច នាឱកាសនោះ រួមមាន៖ បច្ច័យសាដក, អង្ករ ០២តោន, តែ ០៤គីឡូក្រាម, ស្ករស ១០០គ ក្រ, មីយើង ០៤កេសធំ, ត្រីខកំប៉ុង ០៤កេស, ទឹកដោះគោខាប់ ០៤កេស, ទឹកក្រូច ០៥កេស, ទឹកបរិសុទ្ធ ០៥កេស, នំខ្មែរ ០១កន្រ្តក និងផ្លែឈើស្រស់ ០៤កេស ៕
