កំពង់ចាម ៖ វគ្គបំប៉នសមត្ថភាពមន្ត្រីទទួលបន្ទុកការងារយុវជនរាជធានី ខេត្តនេះ គោលបំណងបង្កើនការយល់ដឹងអំពីសារៈសំខាន់ និងអត្ថប្រយោជន៍នៃការងារស្ម័គ្រចិត្តដល់យុវជន និងអភិវឌ្ឍបណ្ដាញអ្នកស្ម័គ្រចិត្តពីថ្នាក់ជាតិ ដល់ថ្នាក់ក្រោមជាតិ និងភ្ជាប់ទំនាក់ទំនងរវាងសហគមន៍ ស្ថាប័នពាក់ព័ន្ធ និងដៃគូអភិវឌ្ឍន៍ ក្នុងការកសាងធនធានមនុស្ស និងផ្ដល់ឧកាសឲ្យយុវជនដទៃទៀតក្នុងសហគមន៍ ។
ពិធីបើកវគ្គបំប៉ននេះ ត្រូវបានប្រារព្ធឡើង ក្រោមអធិបតីភាពឯកឧត្ដម ស៊ាន ប៉ូរ៉ាត រដ្ឋលេខាធិការក្រសួងអប់រំ យុវជន និងកីឡា នឹងដោយមានអ្នកចូលរួមសរុប ៨០នាក់ ដែលនឹងប្រព្រឹត្តិទៅរយៈពេល២ថ្ងៃពេញ ចាប់ពីថ្ងៃថ្ងៃចន្ទ ៣រោច ដល់ថ្ងៃអង្គារ ៤រោច ខែចេត្រ ឆ្នាំកុរ ឯកស័ក ព.ស.២៥៦២ នៅសាលាមធ្យមសិក្សាគរុកោសល្យមត្តេយ្យមជ្ឈិម៕
