អ៊ូបេគីស្ថាន៖ ឯកឧត្តមបណ្ឌិតសភាចារ្យ ហង់ ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា បានចូលរួមវេទិកាអន្តរជាតិនៃអតីតនិស្សិតសាកលវិទ្យាល័យ MGIMO ក្រសួងការបរទេសនៃសហព័ន្ធរុស្សី ក្រោមប្រធានបទ៖
១.ផែនទីវិនិយោគនៃសាកលលោក៖ ករណីសាធារណរដ្ឋអ៊ូបេគីស្ថាន
២.យុទ្ធសាស្ត្រទាក់ទាញសមានចិត្ត និង សន្តិសុខ
៣.គោលនយោបាយការបរទេសលើកកម្ពស់កិត្តិសព្ទលើឆាកអន្តរជាតិ។
វេទិកានេះប្រព្រឹត្តទៅដោយមានការចូលរួមពីសំណាក់បណ្ឌិតសភានៃបណ្ឌិតសភាវិទ្យាសាស្ត្ររុស្សី សាកលវិទ្យាធិការ សាស្ត្រាចារ្យ និងអតីតនិសិស្ស MGIMO ជុំវិញសាកលលោក ប្រមាណ៥០០នាក់ នាថ្ងៃទី១៧-១៩ ខែឧសភា ឆ្នាំ២០១៩ នៅទីក្រុង Tashkent នៃសាធារណរដ្ឋអ៊ូបេគីស្ថាន។
ក្នុងឱកាសនោះឯកឧត្ដមបណ្ឌិតសភាចារ្យរដ្ឋមន្ត្រី បានចូលរួមចែករំលែកទស្សនទានមួយចំនួនពាក់ព័ន្ធនឹងប្រធានបទខាងលើ ជាពិសេសការអភិវឌ្ឍសមត្ថភាពជំនាញទន់ និងរឹងក្នុងបរិបទទំនាក់ទំនងអន្តរជាតិនៃយុគសម័យឌីជីថល និងបដិវត្តឧស្សាហ៍កម្ម ៤.០៕
z
