តបតាមការអញ្ជើញរបស់លោកស្រីវេជ្ជបណ្ឌិត Margaret Chan ប្រធានវេទិកាបូអាវ ស្តីពីសុខភាពសាកល អតីតអគ្គនាយកអង្គការសុខភាពពិភពលោក និងទទួលបានគោលការណ៍អនុញ្ញាតពី ទីស្តីការគណៈរដ្ឋមន្ត្រី ឯកឧត្តម ម៉ម ប៊ុនហេង រដ្ឋមន្ត្រីក្រសួងសុខាភិបាល អញ្ជើញដឹកនាំគណៈប្រតិភូ ទៅចូលរួមវេទិកាបូអាវ និងទស្សនកិច្ចស្វែងយល់ដកស្រង់ពិសោធន៍ អំពីមន្ទីរពេទ្យវៃឆ្លាត ដែលប្រព្រឹត្តទៅចាប់ពីថ្ងៃទី១០ ដល់ ១៥ ខែមិថុនា ឆ្នាំ២០១៩ នៅទីក្រុងជីងដាវ និងទីក្រុងសិនជីន ប្រទេសចិន។ នេះបើតាមសេចក្តីប្រកាសព័ត៌មាន ដែលបណ្តាញព័ត៌មានទទួលបាននៅព្រឹកថ្ងៃទី១០ ខែមិថុនានេះ។
ក្នុងឱកាសចូលរួមវេទិកាបូអាវនោះ ឯកឧត្តមរដ្ឋមន្ត្រី ម៉ម ប៊ុនហេង នឹងថ្លែងសុន្ទរកថា ក្នុងពិធីបើកវេទិកាជាផ្លូវការ នៅថ្ងៃទី១១ ខែមិថុនា ឆ្នាំ២០១៩ ដើម្បីចែករំលែកនូវបទពិសោធន៍ វឌ្ឍនភាពនៃការអភិវឌ្ឍវិស័យសុខាភិបាលកម្ពុជា និងទស្សនៈវិស័យក្នុងការសម្រេចឲ្យបាន គោលដៅអភិវឌ្ឍប្រកបដោយចិរភាព និងឈានទៅសម្រេចឲ្យបាននូវការគ្របដណ្តប់សុខភាពជាសាកល ដោយមិនត្រូវទុកអ្នកណាម្នាក់ចោល ដោយមិនបានទទួលសេវាថែទាំសុខភាព៕
