នាព្រឹកថ្ងៃទី ០៨ ខែធ្នូ ២០១៦ នេះ រដ្ឋបាលខេត្តកណ្តាល បានរៀបចំវេទិកាផ្សព្វផ្សាយ និងពិគ្រោះយោបល់នៅក្រុងតាខ្មៅ ដែលមានការចូលរួមពីប្រជាពលរដ្ឋ និងមន្ត្រីរាជការ ជាង៥០០នាក់ ក្រោមអធិបតីភាពដ៏ខ្ពង់ខ្ពស់ របស់ ឯ.ឧ នួន ផា ប្រធានក្រុមប្រឹក្សាខេត្ត និង ឯ.ឧ បណ្ឌិត ម៉ៅ ភិរុណ អភិបាលខេត្ត៕ ក្នុងឱកាសនោះមានអ្នកចូលរូម ចំនួន ០៨នាក់ បានលើកឡើងជាសំណួរ សំណូមពរ ទុក្ខលំបាក និងសរសេរជាលិខិតមួយចំនួនទៀត ពាក់ព័ន្ធទៅនឹងបញ្ហាសំរាម ផ្លូវ លូ អគ្គិសនី ទឹកស្អាត ជាលទ្ធផល ឯកឧត្តមអភិបាលខេត្ត បានធ្វើការឆ្លើយតប និងដោះស្រាយជាលក្ខណៈកញ្ចប់ ព្រមទាំងទទួលយកនូវសំណូមពរ ការលើកឡើងរបស់អ្នកចូលរួម ដើម្បីយកទៅពិចារណា និងណែនាំក្រុមការងារ ចុះសិក្សាស្រាវជ្រាវ ដោះស្រាយបញ្ហាទាំងនោះជូនប្រជាពលរដ្ឋឱ្យបានទាន់ពេលវេលា៕
