ឯកឧត្តម អ៊ុន ចាន់ដា៖ ក្នុងនាមជាមន្រ្តីបម្រើរាស្រ្ត សង្ឃឹមថា បងប្អូនប្រជាពលរដ្ឋក្នុងខេត្តកំពង់ចាម នឹងបន្តគាំទ្រ ដើម្បីមានលទ្ធភាពបន្តការអភិវឌ្ឍន៍រីកចម្រើនថែមទទៀត


ឯកឧត្តម អ៊ុន ចាន់ដា ដែលទើបផ្ទេរចូលកាន់ដំណែងជា អភិបាលខេត្តកំពង់ចាមថ្មី បានសរសេរក្នុងបណ្តាញសង្គមថា  “ជួបគ្នាហើយបែកគ្នា​ បែកគ្នាហើយជួបគ្នាវិញ​ ទោះជាជូនដំណើរ១០០០យោជក៏នៅតែបែកគ្នា​”។

ឯកឧត្តម បានបន្តថា ថ្ងៃនេះខ្ញុំមានវត្តមាននៅលើទឹកដីខេត្តកំពង់ចាម​ក្នុងនាមជាមន្រ្តីបម្រើរាស្រ្ត​ និងក្នុងនាមជាកូន​ ​ក្មួយរបស់​ ពុកម៉ែ​ អ៊ុំ​ ពូ​ មីងទាំងអស់ សង្ឃឹម​ថាពុកម៉ែ​ អ៊ុំ​ ពូមីង​ ​បងប្អូនស្វាគមន៍ និងបន្តគាំទ្ររូបខ្ញុំ​ ដើម្បីមានលទ្ធភាពបន្តការអភិវឌ្ឍន៍​ រីកចម្រើនថែមទៀត​ និងរក្សាបាននូវសន្តិសុខសណ្តាប់ធ្នាប់ល្អជូនប្រជាជនក្នុងខេត្ត។ យើងជាខ្មែរតែមួយ​ មានវាសនាតែមួយ

សូមបញ្ជាក់ថា ឯកឧត្តម អ៊ុន ចាន់ដា អតីតអភិបាលខេត្តព្រះវិហារ ដែលត្រូវផ្ទរចូលកាន់តំណែង ជាអភិបាលខេត្តកំពង់ចាម ក្រោមអធិបតីភាព សម្តេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ ជាផ្លូវការកាលពីថ្ងៃទី២៨ ខែមិថុនា ឆ្នាំ២០១៩។