នាព្រឹកថ្ងៃអង្គារ៍ ១កេីត ខែអាសាឍ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី០២ ខែកក្កដា ឆ្នាំ២០១៩ គណៈបញ្ជាការឯកភាពរដ្ឋបាលខណ្ឌជ្រោយចង្វារ ដឹកនាំដោយ លោក ឡេង រ៉ាវង្ស អភិបាលរងខណ្ឌជ្រោយចង្វារ ដោយមានការចូលរួមពីលោកអធិការរងនគរបាលខណ្ឌ ប្រធានការិយាល័យសាធារណៈការ មន្ត្រីសាលាខណ្ឌ និងរួមជាមួយកងកម្លាំងសណ្តាប់ធ្នាប់ខណ្ឌ សរុបចំនួន ២១នាក់ បានចុះរៀបចំសណ្តាប់ធ្នាប់តាមដងផ្លូវជាតិលេខ៦ ចាប់ពីច្រកចូលសាលាខណ្ឌជ្រោយចង្វារ រហូតដល់មុខមន្ទីរសាធារណការ និងដឹកជញ្ចូនរាជធានីភ្នំពេញ ស្ថិតក្នុងសង្កាត់ព្រែកលៀប ខណ្ឌជ្រោយចង្វារ។
ក្នុងប្រតិបត្តិការអនុវត្តការរៀបចំសណ្តាប់ធ្នាប់នេះ ក្រុមការងារបានកាត់ទម្លាក់ស្លាកយីហោផ្សេងៗដែលលយមកលើចិញ្ចើមផ្លូវបានចំនួន ១៣ផ្ទាំង យកមករក្សាទុកនៅសាលាខណ្ឌជ្រោយចង្វារ។