រាជធានីភ្នំពេញ៖ ក្រោយវគ្គបណ្ដុះបណ្ដាលគរុសិស្សមត្តេយ្យសិក្សា ជំនាន់ទី៣១ ដែលមានរយៈពេល២ឆ្នាំ គរុសិស្សបានទទួលចំណេះដឹង ព្រមទាំងបទពិសោធន៍ថ្មីៗ ស្ដីពី វិធីសាស្ត្របង្រៀនទាំង៥មុខវិជ្ជា ការរៀបចំផែនការបង្រៀន ការសរសេរកិច្ចតែង ការបង្រៀន ការផលិត និងប្រើប្រាស់សម្ភារៈឧបទេសបម្រើឲ្យការបង្រៀន និងរៀនសម្រាប់កុមារតូច ដែលគរុសិស្សទាំងអស់ និងនាំយកនៅបទពិសោធន៍ដែលទទួលបាន ទៅបណ្ដុះបណ្ដាលនៅតាមមូលដ្ឋានប្រកបដោយ គុណភាព និងប្រសិទ្ធភាព។
ពិធីបិទវគ្គបណ្ដុះបណ្ដាលនាពេលនេះ បានប្រព្រឹត្តទៅក្រោមអធិបតីភាព លោកជំទាវ គឹម សេដ្ឋានី រដ្ឋលេខាធិការ ក្រសួងអប់រំ យុវជន និងកីឡា នារសៀលថ្ងៃព្រហស្បតិ៍ ២រោច ខែអាសាឍ ឆ្នាំកុរ ឯកស័ក ព.ស.២៥៦៣ នៅសាលាមធ្យមសិក្សាគរុកោសល្យមត្តេយ្យមជ្ឈិម រាជធានីភ្នំពេញ៕
