កំពង់ចាម៖ នាយកដ្ឋានបច្ចេកវិទ្យាព័ត៌មាន នៃក្រសួងអប់រំ យុវជន និងកីឡា បានរៀបចំវគ្គបណ្ដុះបណ្ដាលស្ដីពី “កម្មវិធីពង្រឹងសមត្ថភាពសិស្សថ្នាក់ទី១២” ដែលមានតំណភ្ជាប់៖ http://bacii.moeys.gov.kh
សម្រាប់វាស់ស្ទង់សមត្ថភាពសិស្សានុសិស្សថ្នាក់ទី១២ លើមុខវិជ្ជា គណិតវិទ្យា រូបវិទ្យា គីមីវិទ្យា និងប្រវត្តិវិទ្យា។
វគ្គបណ្ដុះបណ្ដាលនេះ រៀបចំឡើងក្នុងគោលបំណងជំនួយស្មារតីសិស្សានុសិស្ស ជួយឱ្យពួកគេអាចវាស់ស្ទង់ និងមានទំនុកចិត្តលើសមត្ថភាពដោយខ្លួនឯង ត្រៀមខ្លួនសម្រាប់ការប្រឡងសញ្ញាបត្រមធ្យមសិក្សាទុតិយភូមិ ដើម្បីទទួលបានជោគជ័យក្នុងការប្រឡងនាពេលខាងមុខ។
វគ្គបណ្ដុះបណ្ដាលនេះប្រព្រឹត្តទៅ នៅថ្ងៃចន្ទ ៦រោច និងថ្ងៃអង្គារ ៧រោច ខែអាសាឍ ឆ្នាំកុរ ឯកស័ក ព.ស.២៥៦៣ នៅវិទ្យាល័យសម្តេច ហ៊ុន សែន ពាមជីកង ដែលមានសិស្សចូលរួមសរុប ២០៤នាក់ ស្រី១០៤នាក់ និងវិទ្យាល័យ ហ៊ុន សែន ខ្ចៅ មានសិស្សចូលរួមសរុប ១៨៨នាក់ ស្រី១១៤នាក់៕
