រសៀលថ្ងៃទី០៣ ខែសីហា ឆ្នាំ២០១៩ ឯកឧត្តម លី ធុជ ទេសរដ្ឋមន្រ្តី ទទួទទួលបន្ទុកបេសកកម្មពិសេស និងជាអនុប្រធានទី១ អាជ្ញាធរមីន បានអញ្ជើញសួរសុខទុក្ខបងប្អូនប្រជាពលរដ្ឋនៅសង្កាត់កាចាញ និងសង្កាត់យក្ខឡោម ក្រុងបានលុង ព្រមទាំងនាំយកនូវថវិកាដែលជាអំណោយដ៏ថ្លៃថ្លាររបស់ សម្តេចតេជោនាយករដ្ឋមន្រ្តី និងសម្តេចកិត្តិព្រឹទ្ធិបណ្ឌិតរួមមាន៖
១/ ឧបត្ថម្ភដល់ការសាងសង់ផ្ទះសម្បែង ជូនបងប្អូនក្រីក្រចំនួន ០៣ គ្រួសារ ក្នុងនោះ សង្កាត់កាចាញ ០២ គ្រួសារ និងសង្កាត់យក្ខឡោម ០១គ្រួសារ ដែលកំពុងជួបការលំបាក និងផ្ទះមានសានស្ថានភាពចាស់ទ្រុឌទ្រោមនារដូវវស្សា
២/បានប្រគេននឹងជូនបច្ច័យដល់ព្រះសង្ឃ លោកយាយលោកតា ប្រជាពលរដ្ឋស្ថិតនៅវត្តអារាមថ្មី ក្នុងសង្កាត់កាចាញ ក្រុងបានលុង។
ជាមួយគ្នានេះ ឯកឧត្តម ទេសរដ្ឋមន្រ្តី បានអញ្ជើញចុះពិនិត្យផ្លូវលំមួយខ្សែ ដែលទទួលរងការខូចខាតដោយសារការជំនន់ទឹកភ្លៀង ធ្វើអោយដាច់ផ្លូវប្រវែង ១០ម៉ែត្រ ទទឹង ៧មែត្រ នៅចំណុចអូរច្រាំង ស្ថិតភូមិម៉ាស ឃំុប៉ូយ ស្រុកអូរជុំ។ ឯកឧត្តម ទេសរដ្ឋមន្រ្តី បានណែនាំឲ្យអាជ្ញាធរដែនដី ជួយចាត់ចែង និងដោះស្រាយឲ្យមានស្ពានឆ្លងកាត់ណ្តោះអាសន្ន ដើម្បីសម្រួលដល់ការធ្វើដំណើររបស់បងប្អូនប្រជាពលរដ្ឋ នារដូវវស្សានេះ។
