ព្រឹកថ្ងៃព្រហស្បតិ៍ ទី៨រោច ខែស្រាពណ៍ ឆ្នាំកុរ ព.ស ២៥៦៣ ត្រូវនឹងថ្ងៃទី២២ ខែសីហា ឆ្នាំ២០១៩ លោក ប៉ឹល កុសល អភិបាលរងខេត្ត តំណាងឯកឧត្តម ជាវ តាយ អភិបាលនៃគណៈអភិបាលខេត្តកំពត បានដឹកនាំគណ:អភិបាលខេត្ត ចូលរួមក្នុងកិច្ចប្រជុំសាមញ្ញលើកទី៣ របស់ក្រុមប្រឹក្សាខេត្តអាណត្តិទី៣ ក្រោមអធិបតីភាព ឯកឧត្តម ជឹង ផល្លា ប្រធានក្រុមប្រឹក្សាខេត្ត។
ក្នុងកិច្ចប្រជុំនាពេលនេះមានការអញ្ជើញចូលរួមពី ឯកឧត្តម លោកជំទាវសមាជិកក្រុមប្រឹក្សាខេត្ត អភិបាលរងខេត្ត លោក លោកស្រីនាយក នាយករងរដ្ឋបាលខេត្ត ប្រធានមន្ទីរ អង្គភាពជុំវិញខេត្ត កងកម្លាំងទាំងបីប្រភេទ នាយក នាយករងទីចាត់ការ ប្រធាន អនុប្រធានអង្គភាពចំណុះសាលាខេត្ត សរុប៧៥នាក់។
កិច្ចប្រជុំនាព្រឹកនេះប្រព្រឹត្តទៅតាមរបៀបវារៈដូចខាងក្រោម៖
១. ពិនិត្យ និងអនុម័តលើរបៀបវារៈនៃកិច្ចប្រជុំសាមញ្ញលើកទី០៣ របស់ក្រុមប្រឹក្សាខេត្ត
២.ពិនិត្យ និងអនុម័តលើកំណត់ហេតុនៃកិច្ចប្រជុំសាមញ្ញលើកទី០២ របស់ក្រុមប្រឹក្សាខេត្ត
៣.ពិនិត្យ និងអនុម័ត លើសេចក្តីព្រាងរបាយការណ៍ប្រចាំខែកក្កដា ឆ្នាំ២០១៩ ស្តីពីការអនុវត្តការងារ របស់រដ្ឋបាលខេត្ត
៤.ពិនិត្យ និងអនុម័ត លើការបែងចែកប្រាក់រង្វាន់លើកទឹកចិត្តជូនមន្រ្តីរាជការ
៥.ពិនិត្យនិងអនុម័ត លើការបែងចែកតួនាទី ភារកិច្ច និងរបៀបរបបធ្វេីការងាររបស់គណ:អភិបាលខេត្ត
៦.ពិនិត្យនិងអនុម័ត លេីការកែសម្រួលឡេីងវិញ នូវសមាសភាព នៃសេចក្តីសម្រេច ស្តីពីគណៈកម្មាធិការសម្របសម្រួលបច្ចេកទេស។
៧.ពិនិត្យនិងអនុម័ត លេីការកែសម្រួលឡេីងវិញនូវសមាសភាព នៃសេចក្តីសម្រេចស្តីពីគណៈកម្មាធិការលទ្ធកម្ម។
៨.ពិនិត្យនិងអនុម័ត លេីការកែសម្រួលឡេីងវិញ នូវសមាសភាព នៃសេចក្តីសម្រេច ស្តីពីគណៈកម្មាធិការពិគ្រោះយោបល់កិច្ចការស្រ្តីនិងកុមារ។
៩.ពិនិត្យនិងអនុម័ត លេីការកែសម្រួលឡេីងវិញនូវសមាសភាព នៃសេចក្តីសម្រេច ស្តីពីក្រុមការងារកសាងផែនការ និងកម្មវិធីវិនិយោគ៣ឆ្នាំរំកិលខេត្ត។
១០. ពិនិត្យនិងអនុម័ត លេីការកែសម្រួលឡេីងវិញ នូវសមាសភាព នៃសេចក្តីសម្រេច ស្តីពីគណៈកម្មាធិការរៀបចំគម្រោងខេត្ត។
១១. ពិនិត្យនិងអនុម័ត លេីការកែសម្រួលឡេីងវិញ នូវសមាសភាព នៃសេចក្តីសម្រេច ស្តីពីគណៈកម្មាធិការគ្រប់គ្រងមណ្ឌលអភិវឌ្ឍន៍ធនធានមនុស្ស។
១២. ពិនិត្យនិងអនុម័ត លេីការកែសម្រួលឡេីងវិញ នូវសមាសភាព នៃសេចក្តីសម្រេច ស្តីពីគណៈកម្មាធិការបោះឆ្នោតជ្រេីសរេីសប្រធាន អនុប្រធានការិយាល័យប្រជាពលរដ្ឋ។
១៣. ពិនិត្យនិងអនុម័ត លេីសចក្តីណែនាំ ស្តីពីការរៀបចំកម្មវិធីវិនិយោគខេត្ត។
១៤.ពិនិត្យនិងអនុម័ត លេីសំណេីសុំកែសម្រួលគម្រោងខេត្ត ឆ្នាំ២០១៩ ផ្លូវពីស្តុបភូមិតាអេងដល់កីឡាលេីទឹក ពីផ្លូវកៅស៊ូ AC មកជាផ្លូវបេតុងវិញ។
១៥.បញ្ហាផ្សេងៗ។