ព្រឹកថ្ងៃចន្ទ ១១រោច ខែស្រាពណ៌ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី២៦ ខែសីហា ឆ្នាំ២០១៩ មានបេីកកិច្ចប្រជុំសាមញ្ញលេីកទី៣ របស់ក្រុមប្រឹក្សាខេត្តសៀមរាប អាណត្តិទី៣ ក្រោមកិច្ចដឹកនាំប្រជុំ ឯកឧត្តម អ៉ឹង ហឿន ប្រធានក្រុមប្រឹក្សាខេត្ត និងលោក ពៅ ពិសិដ្ឋ អភិបាលរងខេត្ត តំណាងដ៏ខ្ពង់ខ្ពស់ ឯកឧត្តម ទៀ សីហា អភិបាល នៃគណៈអភិបាលខេត្តសៀមរាប ដេីម្បីពិភាក្សា និងអនុម័តលេីរៀបវារៈសម័យប្រជុំសាមញ្ញលេីកទី៣នេះ ដែលមានចំនួន ៧ចំណុច និងមានការអញ្ជេីញចូលរួមពីសំណាក់ ឯកឧត្តម លោកជំទាវ ជាសមាជិក សមាជិកាក្រុមប្រឹក្សាខេត្ត គណៈអភិបាលខេត្ត អាជ្ញាធរអប្សរា លោក លោកស្រី ថ្នាក់ដឹកនាំ មន្ទីរ-អង្គភាព ជុំវិញខេត្ត កងកម្លាំងប្រដាប់អាវុធទាំងបី នាយក នាយករងរដ្ឋបាលសាលាខេត្ត នាយក នាយករង ទីចាត់ការ អង្គភាព ចំណុះរដ្ឋបាលខេត្តទាំងអស់។
កិច្ចប្រជុំសាមញ្ញលេីកទី៣ របស់ក្រុមប្រឹក្សាខេត្តសៀមរាប អាណត្តិទី៣នេះដែរ អង្គប្រជុំក៏បានធ្វេីការពិនិត្យ ពិភាក្សា និងអនុម័ត ទៅរៀបវារៈកិច្ចប្រជុំទាំង ៧ចំណុច ក្នុងនោះដែរសមាជិក សមាជិកា ក្រុមប្រឹក្សាខេត្តក៏បានលេីកជាសំណួរ សំណូមពរ និងពិនិត្យទៅលេីខ្លឹមសារមួយចំនួន។ ជាមួយគ្នានេះដែរអង្គប្រជុំក៏បានលេីកឡេីង និងផ្តោតទៅលេីការងារធនធានរ៉ែ គឺត្រូវយកចិត្តទុកដាក់ខ្ពស់លេីបញ្ហាអ្នកប្រកបអាជីកម្ម ទីតាំងលក់ និងកន្លែងបញ្ចូលហ្គាសទាំងអស់ក្នុងក្រុង និងខេត្តសៀមរាប តម្រូវឱ្យម្ចាស់ទីតាំងអាជីវកម្មមកដាក់ពាក្យសុំលិខិតអនុញ្ញាត ដែលត្រូវគោរពតាមលក្ខខណ្ឌ និងបទដ្ឋានបច្ចេកទេស អនុលោមតាមច្បាប់ជាធរមាន។
ម្យ៉ាងទៀត អង្គប្រជុំបានជំរុញឱ្យសមត្ថកិច្ចពាក់ព័ន្ធត្រូវបន្តរៀបចំសណ្តាប់ធ្នាប់សាធារណៈក្នុងក្រុងសៀមរាប ក៏ដូចជាទីប្រជុំជន ដេីម្បីមានសណ្តាប់ធ្នាប់របៀបរៀបរយ និងរៀបចំ កែលម្អសោភ័ណភាពបន្ថែមទៀត៕