ឯកឧត្តម ម៉ម ប៊ុននាង ដឹកនាំគណៈប្រតិភូគណៈកម្មការអង្កេត បោសសម្អាត និងប្រឆាំងអំពើពុករលួយ នៃព្រឹទ្ធសភា អញ្ជើញចូលរួមជាកិតិ្តយសក្នុងកិច្ចប្រជុំពិភាក្សាលើការរៀបចំកម្មវិធីប្រកួតប្រជែងជ្រើសរើសមន្ត្រីគំរូ “Integrity Icon” នៅកម្ពុជា ក្រោមអធិបតីភាពដ៏ខ្ពង់ខ្ពស់ ឯកឧត្តមបណ្ឌិត ឱម យ៉ិនទៀង ទេសរដ្ឋមន្ត្រី ប្រធានអង្គភាពប្រឆាំងអំពើពុករលួយ (អ.ប.ព)។
កិច្ចប្រជុំពិភាក្សាបានប្រព្រឹត្តទៅនាព្រឹកថ្ងៃព្រហស្បតិ៍ ០៧កើត ខែភទ្របទ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី០៥ ខែកញ្ញា ឆ្នាំ២០១៩ ស្ថិតនៅសាលប្រជុំ អង្គភាពប្រឆាំងអំពើពុករលួយ (ACU) ។
