ថ្ងៃទី១១ ខែមករា ឆ្នាំ២០១៧ ថ្នាក់ដឹកនាំមន្ទីរកសិកម្ម រុក្ខាប្រមាញ់ និងនេសាទ រួមទាំងមន្រ្តី ការិយាល័យផលិតកម្ម និងបសុព្យាបាល ខេត្ត-ស្រុក បានចុះពិនិត្យទីតាំងនៅកសិដ្ឋាន សូម៉ា ស្រុកបាទី សំរាប់ទទួលប្រតិភូ ក្រុងស៊ាងយ៉ាង សាធារណៈរដ្ឋប្រជាមានិតចិន ដែលនឹងមកធ្វើទស្សនៈកិច្ច និងវិនិយោគលើការចិញ្ចឹមសត្វនៅខេត្តតាកែវ នាថ្ងៃទី១៣ ខែមករា ឆ្នាំ២០១៧ ខាងមុខនេះ។ កសិដ្ឋាន សូម៉ា មានសកម្មភាពដូចជា ៖
– ចិញ្ចឹមមាន់យកពង បាន ៧០.០០០ ពង ក្នុង ១ថ្ងៃ នឹងបានលក់ទៅទីផ្សារភ្នំពេញ
– ចិញ្ចឹមគោមានពូជ ប្រាម៉ាន់ កំហែងសែន និងដ្រតម៉ាស្ទឺ ដែលមានគោចំនួន ១.៥៦៧ ក្បាល
– ដាំផ្កាអ័រគីដេ និង សត្តឃាដ្ឋានស្តង់ដា ។
. នៅថ្ងៃទី១១ ខែមករា ឆ្នាំ២០១៧ ប្រធាន និងមន្រ្តី ការិយាល័យសហគមន៍កសិកម្ម បានចូលរួមសន្និបាតប្រចាំឆ្នាំនៅសហគមន៍កសិកម្មខ្លាគ្រហឹមមានជ័យ ក្នុងឃុំក្រពុំឈូក ស្រុកកោះអណ្តែត ខេត្តតាកែវ ដោយមានសមាជិក សហគមន៍ចូលរួមចំនួន ៤៤ នាក់ ស្ត្រី ២៩ នាក់ ។
