លោកជំទាវ មិថុនា ភូថង អភិបាលខេត្តកោះកុង បានអញ្ជើញសូមស្វាគមន៍ក្រុមហ៊ុន Khmer Beverages ដែលបានមកជួយសំអាតតាមដងផ្លូវសាធារណៈ ក្នុងក្រុងខេមភូមិន្ទ ខេត្តកោះកុង។
ថ្ងៃព្រហស្បតិ៍ ៥ កើត ខែអស្សុជ ឆ្នាំកុរឯកស័ក ពុទ្ធសករាជ ២៥៦៣ ត្រូវនឹងថ្ងៃទី៣ ខែតុលា ឆ្នាំ២០១៩
លោកជំទាវអភិបាលខេត្ត សូមថ្លែងអំណរគុណ ដល់ក្រុមហ៊ុន Khmer Beverages ដែលបានមកជួយសំអាតតាមដងផ្លូវសាធារណៈ ក្នុងក្រុងខេមភូមិន្ទ ខេត្តកោះកុង ដើម្បីកែលម្អសោភណ្ឌភាព ក្រុង ជាការទាក់ទាញភ្ញៀវទេសចរជាតិ និងអន្តរជាតិ មកកំសាន្ត ក្នុងខេត្តរបស់យើង ជាមួយគ្នានេះដែរ សូមបងប្អូនប្រជាពលរដ្ឋក្នុងក្រុងចូលរួមទាំងអស់គ្នា ក្នុងការថែរក្សា អនាម័យ បរិស្ថាន ទាំងផ្លូវសាធារណៈ និងគេហដ្ឋាន ព្រមទាំងទីកន្លែងបំពេញការងារ ប្រកបដោយផាសុកភាព។
