ក្រសួងអប់រំ បង្កើន​ការយកចិត្តទុកដាក់ខ្ពស់ទៅលើអាហារូបត្ថម្ភកុមារ ដែលជាមូលដ្ឋានគ្រឹះ​នៃ​ការ​កសាងមូលធន​មនុស្ស


រាជធានីភ្នំពេញ៖ ក្រសួងអប់រំ យុវជន និងកីឡា បានរៀបចំកិច្ចប្រជុំស្ដីពី ការប្រកាសសមាសភាព និង​តួនាទីភារកិច្ចរបស់គណៈកម្មការ និងរបាយការណ៍វឌ្ឍនភាព ក្នុងការ​រៀបចំព្រឹត្តិការណ៍​វេទិកា​អាហារូបត្ថម្ភ​កុមារ​សកល លើកទី២១ ប្រចាំឆ្នាំ២០១៩ ដែល​នេះ​ជា​វេទិកា​មួយ​ដើម្បី​លើក​កម្ពស់​ការ​យក​ចិត្ត​ទុក​ដាក់​ទៅលើ ការថែទាំសុខភាពកុមារ ខណៈដែលអាហារូបត្ថម្ភ ដែលសមស្រប គឺជាមូលដ្ឋានគ្រឹះ សម្រាប់​ការ​រស់រាន​លូតលាស់​ទាំងផ្នែករាងកាយស្មារតីខួរក្បាលនិងការអភិវឌ្ឍរបស់កុមារ។

កិច្ចប្រជុំនេះបានប្រព្រឹត្តទៅក្រោមការដឹកនាំដោយឯកឧត្ដមបណ្ឌិតសភាចារ្យហង់ជួនណារ៉ុនរដ្ឋមន្ត្រីក្រសួងអប់រំយុវជននិងកីឡា។ សូមជម្រាបថានា ខែធ្នូ ឆ្នាំ២០១៩ខាងមុខនេះព្រះរាជាណាចក្រកម្ពុជា នឹងធ្វើជាម្ចាស់ផ្ទះ​ទទួលរៀបចំព្រឹត្តិការណ៍វេទិកាសកលស្តីពីអាហារូបត្ថម្ភកុមារលើកទី២១ដែលនឹងប្រព្រឹត្តទៅនៅខេត្តសៀមរាបសហការរៀបចំដោយក្រសួងអប់រំយុវជននិងកីឡាមជ្ឈមណ្ឌលឧត្ដមភាពប្រឆាំងនឹងទុរភិក្សនៃកម្មវិធីស្បៀងអាហារពិភពលោកនិងមូលនិធិសកលសម្រាប់អាហារូបត្ថម្ភកុមារ។ព្រឹត្តិការណ៍​នេះ​នឹង​មានការចូលរួម ពី​សំណាក់មន្រ្តីជាន់ខ្ពស់ ប្រមាណ​៣០០រូប មក​ពី​៤០ប្រទេស៕

១៤​ តុលា ២០១៩ | ទីស្ដីការក្រសួង