(ភ្នំពេញ)៖ អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា បានដឹកនាំកិច្ចប្រជុំ លើកទី១ នៃសភាពាណិជ្ជកម្ម រាជធានីភ្នំពេញ អាណត្តិទី៤ ដោយមានវត្តមានរបស់សមាជិកជ្រើសតាំងនៃសភាពាណិជ្ជកម្មរាជធានីភ្នំពេញ អាណត្តិទី៤។
គោលបំណងនៃកិច្ចប្រជុំ កាលពីព្រឹកថ្ងៃព្រហស្បតិ៍ ទី២៤ ខែតុលា ឆ្នាំ២០១៩ នៅអគ្គនាយកដ្ឋានសភាពាណិជ្ជកម្មកម្ពុជា បានពិភាក្សា និងរៀបចំសមាជិកការិយាល័យប្រតិបត្តិ អនុប្រធាន ហិរញ្ញិក លេខាធិការ និងសមាជិកនៃផ្នែកទាំង៤ ដែលរួមមាន៖
១.ប្រភេទពាណិជ្ជកម្ម
២.ប្រភេទឧស្សាហកម្ម
៣.ប្រភេទសេវាកម្ម និងវិជ្ជាជីវៈសេរី
៤.ប្រភេទកសិកម្ម។
កិច្ចប្រជុំនេះ បានបញ្ចប់នៅវេលាម៉ោង ១១៖៣០នាទី នាព្រឹកថ្ងៃទី២៤តុលា ក្រោមកិច្ចពិភាក្សាយ៉ាងផុសផុល និងស្និទ្ធស្នាល គួរជាទីមោទក៕
