ខេត្តពោធិ៍សាត់៖ ឯកឧត្ដមបណ្ឌិតសភាចារ្យ ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា បានថ្លែងបែបនេះ ក្នុងឱកាសអញ្ជើញជាអធិបតីភាពក្នុងកម្មវិធីសំណេះសំណាល ថ្លែងអំណរគុណ ព្រមទាំងបំពាក់គ្រឿងឥស្សរិយយសជូនបុគ្គលិកអប់រំឆ្នើម។
ទន្ទឹមនឹងនេះផងដែរ ឯកឧត្ដមក៏បានជូនទង់ជ័យលាភី ព្រមទាំងប័ណ្ណសរសើរដល់អង្គភាពដែលមានស្នាដៃល្អ និងជូនលិខិតថ្លែងអំណរគុណជូនដល់គរុសិស្ស ដែលចូលរួមធ្វើជាជំនួយការអប្បមាទក្នុងការប្រឡងសញ្ញាបត្រមធ្យមសិក្សាទុតិយភូមិនាពេលកន្លងមក។ ឯកឧត្ដមបានលើកទឹកចិត្តឱ្យបុគ្គលិកអប់រំ បន្តក្នុងការខិតខំប្រឹងប្រែង ដើម្បីបណ្ដុះធនធានមនុស្សជាបន្តទៀត។
សូមជម្រាបថា ក្នុងពិធីបុគ្គលិកដែលទទួលបានគ្រឿងឥស្សរិយយស ចំនួន ៣៧៧នាក់ ក្នុងនោះស្រី ១០៨នាក់ ទង់ជ័យលាភីចំនួន៩ ប័ណ្ណសរសើរចំនួន៨ជូនដល់អង្គភាពដែលមានស្នាដៃ ប័ណ្ណសរសើរចូលនិវត្តន៍ចំនួន៣៣នាក់ ក្នុងនោះស្រី២០នាក់ និងលិខិតថ្លែងអំណរគុណជូនគរុសិស្សចំនួន ៤៩នាក់ ក្នុងនោះស្រី ៣៦នាក់៕
១១ ធ្នូ ២០១៩ | ខេត្តពោធិ៍សាត់
