យុទ្ធនាការសុវត្ថិភាពចំណីអាហារតាមគ្រឹះស្ថានសិក្សា

ខេត្តកណ្ដាល ៖ ក្រសួងអប់រំ យុវជន និងកីឡា បានដាក់ចេញនូវយុទ្ធនាការសុវត្ថិភាពចំណីអាហារតាមគ្រឹះស្ថានសិក្សា ដើម្បីធានាថា ចំណីអាហារនៅក្នុងសាលារៀនមិនមានសារធាតុគីមី និងមានអនាម័យល្អ និងធានាបានថា សិស្សានុសិស្សមិនទទួលរងផលប៉ះពាល់អវិជ្ជមានពីចំណីអាហារក្នុងសាលារៀន ជាពិសេសនៅតាមបណ្ដាខេត្តនានា និងតំបន់ដាច់ស្រយាល។

យុទ្ធនាការសុវត្ថិភាពចំណីអាហារបានប្រព្រឹត្តទៅក្រោមអធិបតីភាពលោកជំទាវ គឹម សេដ្ឋានី រដ្ឋលេខាធិការក្រសួងអប់រំ យុវជន និងកីឡា។ យុទ្ធនាការនេះត្រូវបានធ្វើឡើង ដើម្បីបញ្ជ្រាបចំណេះដឹងដល់ប្អូនៗកុមារ ពិសេសអ្នកលក់ដូរ ដែលជាគោលដៅសំខាន់ ឱ្យមានការយល់ដឹង និងយកចិត្តទុកដាក់លើបញ្ហាសុខភាពសិស្សានុសិស្ស ជាពិសេសកុមារតូចៗ។