រដ្ឋបាលរាជធានីភ្នំពេញបានបើកកិច្ចប្រជុំពិភាក្សាស្ដីពីសំណង់ទ្រុឌទ្រោមក្នុងរាជធានីភ្នំពេញ


នារសៀលថ្ងៃអង្គារ ១២រោច ខែបុស្ស ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី២១ ខែមករា ឆ្នាំ២០២០នេះ រដ្ឋបាលរាជធានីភ្នំពេញបានបើកកិច្ចប្រជុំពិភាក្សាស្ដីពីសំណង់ទ្រុឌទ្រោមក្នុងរាជធានីភ្នំពេញ ដោយមានការចូលរួមពីមន្ទីរអង្គភាពជំនាញពាក់ព័ន្ធ លោក លោកស្រី អភិបាល អភិបាលរងខណ្ឌ និង លោក ប្រធានភូមិបាលខណ្ឌទាំង១៤ ក្នុងរាជធានីភ្នំពេញ។
រដ្ឋបាលរាជធានីភ្នំពេញ តម្រូវឱ្យរដ្ឋបាលខណ្ឌទាំងអស់ចេញលិខិតជូនដំណឹងមួយជូនដល់បងប្អូនប្រជាពលរដ្ឋទាំងអស់ដែលរស់នៅ ឬស្នាក់នៅក្នុងអគារទាំងឡាយដែលមានសភាពចាស់ទ្រុឌទ្រោមត្រូវមានការប្រុងប្រយ័ត្នខ្ពស់ពីសុខសុវត្ថិភាពអាយុជីវិតរបស់ខ្លួន៕