រាជធានីភ្នំពេញ៖ ដើម្បីពង្រឹងប្រសិទ្ធភាពការងារលើផ្នែករដ្ឋបាល ឲ្យមានភាពរលូន និងមានប្រសិទ្ធភាពខ្ពស់ ក្រសួងបានរៀបចំកិច្ចប្រជុំផ្សព្វផ្សាយ និងពង្រឹងការរៀបចំតាក់តែងលិខិតរដ្ឋបាល ដើម្បីជាការរំលឹកឡើងវិញ លើការសរសេរតាក់តែងលិខិតរដ្ឋបាល ដើម្បីឲ្យមានឯកសណ្ឋានភាព។ ថ្នាក់ដឹកនាំក្រសួងបានស្នើ មន្ត្រីក្រោមឱវាទគ្រប់លំដាប់ថ្នាក់មេត្តាយកចិត្តទុកដាក់ខ្ពស់ក្នុងការរៀបចំលិខិតទាំងផ្នែកទម្រង់លិខិត និងអក្ខរាវិរុទ្ធ។
កិច្ចប្រជុំនេះត្រូវបានរៀបចំឡើងក្រោមការដឹកនាំដោយ លោកជំទាវ គឹម សេដ្ឋានី រដ្ឋលេខាធិការ ក្រសួងអប់រំយុវជន និងកីឡា។ ក្នុងឱកាសនេះដែរលោកជំទាវបានមានប្រសាសន៍ថា ការប្រើប្រាស់ និងតាក់តែងលិខិតរដ្ឋបាល ត្រូវមានខ្លឹមសារសាមញ្ញច្បាស់លាស់ងាយយល់ ចំគោលដៅ ហើយពិសេសជាងនេះទៅទៀត គឺត្រឹមត្រូវតាមអក្ខរាវិរុទ្ធ។
៣១ មករា ២០២០ | អគាររដ្ឋបាលក្រសួងអប់រំ
