រាជធានីភ្នំពេញ៖ គណ:ប្រតិភូអញ្ជើញមកពីសាកលវិទ្យាល័យ KAGAWA ប្រទេសជប៉ុន តំណាងអង្គការ JICA ប្រចាំកម្ពុជា អង្គការ CJAI និងអង្គការផ្ទះឧដុង្គប្រចាំកម្ពុជា បានជួបសម្ដែងការគួរសមជាមួយថ្នាក់ដឹកនាំក្រសួងអប់រំ យុវជន និងកីឡា ដើម្បីរាយការណ៍ពីលទ្ធផលបិទគម្រោងបង្កើតប្រព័ន្ធសុខភាពតាមសាលារៀន ការលើកកម្ពស់ការអប់រំសុខភាពនៅស្រុកកណ្តាលស្ទឹង ខេត្តកណ្តាល របស់សាកលវិទ្យាល័យជាតិកាហ្គាវ៉ា ប្រទេសជប៉ុន និងការស្នើសុំអនុសាសន៍ដឹកនាំសម្រាប់ការបន្តកិច្ចសហប្រតិបត្តិការនាពេលអនាគតរវាងសាកលវិទ្យាល័យ KAGAWA ប្រទេសជប៉ុន និងក្រសួងអប់រំ យុវជន និងកីឡា។
ការជួបសម្ដែងការគួរសមនេះបានប្រព្រឹត្តទៅក្រោមការដឹកនាំដោយ ឯកឧត្ដមបណ្ឌិតសភាចារ្យ ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា។ ក្នុងឱកាសនោះឯកឧត្ដម ក៏បានជូនលិខិតសរសើរជូនដល់សាលារៀនKAGAVA អង្គការJICA អង្គការផ្ទះឧដុង្គ និងក្រសួងសុខាភិបាល ផងដែរ៕
០៤ កុម្ភៈ ២០២០ | ទីស្ដីការក្រសួងអប់រំ
