ព្រឹកថ្ងៃសៅរ៍ ១៤កើត ខែផល្គុន ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី០៧ ខែមីនា ឆ្នាំ២០២០ វេលាម៉ោង០៨:៣០ សម្តេចវិបុលសេនាភក្តី សាយ ឈុំ ប្រធានព្រឹទ្ធសភា នៃព្រះរាជាណាចក្រកម្ពុជា និងលោកជំទាវ បានអញ្ជើញជាអធិបតីដ៏ខ្ពង់ខ្ពស់ក្នុងពិធីបុណ្យបញ្ចុះខណ្ឌសីមាព្រះវិហារថ្មី និងសម្ពោធសមិទ្ធផលនានារបស់វត្តពោធិ៍ជ័យ ហៅ វត្តសៀមប៉ាង ស្ថិតនៅ ភូមិសៀមប៉ាង ឃុំសេកុង ស្រុកសៀមប៉ាង ខេត្តស្ទឹងត្រែង។
ក្នងពិធីដ៏មហោឡារិកនេះ ក៏មានការអញ្ជើញចូលរួមពីសមាជិក សមាជិកាព្រឹទ្ធសភា រដ្ឋសភា សមាជិករាជរដ្ឋាភិបាល ថ្នាក់ដឹកនាំអគ្គលេខាធិការដ្ឋាន ព្រឹទ្ធសភា អាជ្ញាធរ ខេត្ត
ស្ទឹងត្រែង កងកម្លាំងមានសមត្ថកិច្ច លោកគ្រូ អ្នកគ្រូ សិស្សានុសិស្ស ប្រជាពលរដ្ឋ និងពុទ្ធបរិស័ទ ជិតឆ្ងាយក្នុងខេត្ត និងក្នុងស្រុកសៀមប៉ាង ជាច្រើនពាន់នាក់ផងដែរ … ។
ព្រះវិហារថ្មី នៃវត្តពោធិ៍ជ័យ ដែលបានប្រារព្ធ ពិធីបុណ្យបញ្ចុះខ័ណ្ឌសីមានាពេលនេះ គឺជាចំណងដៃដ៏ថ្លៃថ្លារបស់ សម្តេច និង លោកជំទាវ ជូនដល់ប្រជាពលរដ្ឋ និងពុទ្ធបរិស័ទក្នុងស្រុកសៀមប៉ាង
