បន្ទាប់ពីការចេញផ្សាយរបស់កាសែត«ចលនាសង្គម»ដែលមានចំណងជើងថា«ប្រជាពលរដ្ឋអំពាវនាវដល់អភិបាលខេត្តកំពង់ធំ លោក សុខ លូ គួរតែមានចំណាត់ការទៅលើមន្ត្រីផ្នែកសង្កាត់រដ្ឋបាលជលផល និងប្រធានសហគមន៍នេសាទ ផាត់សណ្ដាយ ខណៈបង្កើតឲ្យមានបទល្មើសរុញ និងឆក់នៅក្នុងតំបន់អភិរក្ស»។
ក្រសួងកសិកម្មសូមធើ្វឆ្លើយតបមកវិញថាសូមអស់លោកសារព័ត៌មានទាំង០៣ស្ថាប័នខាងក្រោមនេះ៖
បញ្ឈប់នូវការលាបពណ៌និងបំភ្លៃព័ត៌មានខុសការពិតនិងសូមធ្វើការបកស្រាយកែតម្រូវអត្ថបទ ដែលខ្លួនបានចុះផ្សាយនៅថ្ងៃទី០៨ ទី១៥ និងថ្ងៃទី១៦ ខែមេសា ឆ្នាំ២០២០ ជាបន្ទាន់។ មួយវិញទៀតក៏សូមបញ្ឈប់នូវមុខជំនួញមិនសូវថ្លៃថ្នូរនេះតទៅទៀតទៅ ។
ជាមួយគ្នានេះដែរ ខ្ញុំបាទសូមបញ្ជាក់ជូនសារធារណៈជនឲ្យបានជ្រាបថានៅកន្លែងអភិរក្សត្រីមេពូជផាត់សណ្តាយនេះ មានស្នាក់ការ ដែលមានមន្រ្តីជំនាញជលផលនិងសហគមន៍ ប្រចាំការនិងចុះល្បាតជាប្រចាំនិង យ៉ាងសកម្មប្រកបដោយគ្រោះថ្នាក់បំផុត ចំនួន ០៣ គឺ ទី០១៖ ស្នាក់ការផ្នែកជលផលផាត់សណ្តាយ ទី០២៖បស្នាក់ការសង្កាត់ជលផលកំពង់ស្វាយក្រោម និងទី០៣៖ ស្នាក់ការសហគមន៍នេសាទផាត់សណ្តាយ។ប្រជាពលរដ្ឋអំពាវនាវដល់អភិបាលខេត្តកំពង់ធំលោកសុខលូគួរតែមានចំណាត់ការទៅលើមន្ត្រីផ្នែកសង្កាត់រដ្ឋបាលជលផលនិងប្រធានសហគមន៍នេសាទផាត់សណ្ដាយខណៈបង្កើតឲ្យមានបទល្មើសរុញនិងឆក់នៅក្នុងតំបន់អភិរក្ស។