សម្តេចតេជោ ហ៊ុន សែន ផ្ញើសារជូនជនរួមជាតិ អបអរសាទរដល់ទិវាជាតិប្រយុទ្ធនឹងជំងឺគ្រុនចាញ់ ថ្ងៃទី២៥ មេសា


(ភ្នំពេញ)៖ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានផ្ញើសារមួយជូនដល់ជនរួមជាតិ ដើម្បីអបអរដល់ទិវាជាតិប្រយុទ្ធនឹងជំងឺគ្រុនចាញ់ និងទិវាគ្រុនចាញ់ពិភពលោក ដែលនឹងប្រព្រឹត្តទៅនៅថ្ងៃទី២៥ ខែមេសា ឆ្នាំ២០២០ ខាងមុខនេះ ក្រោមប្រធានបទ «គ្មានជំងឺគ្រុនចាញ់ ផ្តើម ចេញពីខ្ញុំ»។

តាមរយៈសារលិខិតនេះ សម្តេចតេជោ ហ៊ុន សែន បានចាត់ទុកថា ប្រធានបទ «គ្មានជំងឺគ្រុនចាញ់ ផ្តើម ចេញពីខ្ញុំ» នេះ គឺសមស្របនឹងដំណើរវិវត្តនៃសភាពការណ៍សង្គម-សេដ្ឋកិច្ចរបស់កម្ពុជា ដែលកំពុងពង្រីកការអភិវឌ្ឍតាមព្រំដែន និងតំបន់អេកូទេសចរធម្មជាតិ ព្រៃភ្នំដែលនៅប្រឈមនឹងអត្រាឈឺស្លាប់ដោយជំងឺគ្រុនចាញ់នេះនៅឡើយ។ លើសពីនេះទៅទៀត កម្ពុជាកំពុងតែអនុវត្តអភិក្រមការងារលុបបំបាត់ជំងឺគ្រុនចាញ់ឆ្នាំ២០១៦-២០២០ ដែលជាផ្នែកមួយ នៃផែនការយុទ្ធសាស្រ្តជាតិលុបបំបាត់ជំងឺគ្រុនចាញ់ក្នុងប្រទេសកម្ពុជា ឆ្នាំ២០១១-២០២៥ ដែលជាផែនការបង្ហាញផ្លូវ និងបង្កលក្ខណៈងាយស្រួលដល់ការប្រតិបត្តិជាក់ស្តែង ឈានឆ្ពោះទៅលុបបំបាត់ជំងឺគ្រុងចាញ់ទូទាំងប្រទេស៕
ខាងក្រោមនេះជាសារលិខិតរបស់សម្តេចតេជោ ហ៊ុន សែន៖