រាជធានីភ្នំពេញ៖ ដើម្បីចូលរួមជួយដល់ប្រជាពលរដ្ឋកម្ពុជា ក្នុងគ្រានៃការប្រឈមមុខនឹងការរីកដាលនៃជំងឺកូវីដ-១៩ ស្ថានទូតនៃសាធារណរដ្ឋកូរ៉េប្រចាំនៅកម្ពុជា បានឧបត្ថម្ភជាម៉ាសការពារចំនួន៥០០០ម៉ាស អង្ករ៦០០គីឡូក្រាម មីកូរ៉េ១២០កេស និងសម្ភារៈអនាម័យ ៥កញ្ចប់ដល់ប្រជាពលរដ្ឋកម្ពុជា តាមរយៈក្រសួងអប់រំ យុវជន និងកីឡា។
ពិធីនេះបានប្រព្រឹត្តទៅក្រោមអធិបតីភាព ឯកឧត្ដមបណ្ឌិតសភាចារ្យ ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា ដោយក្នុងឱកាសនោះឯកឧត្ដមក៏បានសំណេះសំណាលការងារជាមួយអគ្គរដ្ឋទូតសាធារណរដ្ឋកូរ៉េផងដែរ។
ឯកឧត្ដមរដ្ឋមន្ត្រីបានថ្លែងអំណរគុណចំពោះទឹកចិត្តដ៏សប្បុរសនេះ។ ដោយឡែកភាគីកូរ៉េបានលើកឡើងថា ការផ្ដល់ជូននេះ ដោយសារមើលឃើញថាប្រជាពលរដ្ឋកម្ពុជាកំពុងរងផលវិបាកដោយសារជំងឺកូវីដ-១៩ ព្រមទាំងជឿជាក់លើការដឹកនាំរបស់រាជរដ្ឋាភិបាលកម្ពុជា៕
