(ឬស្សីកែវ)៖ ថ្ងៃសុក្រ ០១ កើត ខែជេស្ឋ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃ២២ ខែឧសភា ឆ្នាំ២០២០ វេលាម៉ោង ០៨ និង៣០នាទី ក្រុមការងារអនុសាខាកាកបាទក្រហមកម្ពុជា ខណ្ឌប្ញស្សីកែវ ដឹកនាំដោយ លោកជំទាវ អាន ផល្លា និងលោកស្រី សួស សូលីដា ជាអនុប្រធានកិត្តិយសអនុសាខាកាកបាទក្រហមកម្ពុជា ខណ្ឌប្ញស្សីកែវ រួមដំណើរដោយ ក្រុមការងារអនុសាខាខណ្ឌ ក្រុមការងារកាកបាទក្រហម សង្កាត់ប្ញស្សីកែវ និងសប្បុរសជន បានចុះសួរសុខទុក្ខ និងចែកអំណោយដល់ ប្រជាពលរដ្ឋងាយរងគ្រោះ ក្នុងនោះរួមមាន ៖ ប្រជាពលរដ្ឋមានជីវភាពខ្វះខាត មានជម្ងឺរ៉ាំរ៉ៃ ចាស់ជរាគ្មានទីពឹង និងជនពិការ ចំនួន ០៥ គ្រួសារ រស់នៅសង្កាត់ប្ញស្សីកែវ ខណ្ឌប្ញស្សីកែវ រាជធានីភ្នំពេញ។
ឆ្លៀតក្នុងឱកាសនេះ ក្រុមការងារអនុសាខាខណ្ឌ បាននាំយកអំណោយរបស់អនុសាខាខណ្ឌ មកឧបត្ថម្ភដល់គ្រួសារទាំង ០៥ ដោយក្នុងមួយគ្រួសារៗ ទទួលបាន ៖ អង្ករ ២០ គ.ក ឃីត (គ្រឿងឧបភោគ-បរិភោគ) ០២ កញ្ចប់ និងថវិកា ៣០,០០០ រៀល។ សរុបការចំណាយរួមមាន ៖ អង្ករ ១០០ គ.ក ឃីត ១០ កញ្ចប់ និង ថវិកា ១៥០,០០០ រៀល។ ដោយឡែក សប្បុរសជនម្នាក់គឺ លោកស្រី សឿន ណារី បានចូលរួមឧបត្ថម្ភ ប្រជាពលរដ្ឋ ទាំង ០៥ គ្រួសារខាងលើ សរុបថវិកាចំនួន ១០០,០០០ រៀល៕
លោកជំទាវបានជួបសំណេះសំណាលជាមួយប្រជាការពារខណ្ឌ-សង្កាត់ មេភូមិ នារី សង្កាត់ចាស់ជរាជិតខាង និង បានឧបត្ថម្ភ ថវិកាសរុប១៩០.០០០រៀលជាថវិកាក្រោមការចាត់ចែងរបស់ឯកឧត្តម ជា ពិសី អភិបាលខណ្ឌឫស្សីកែវ និង ជាប្រធានបក្សខណ្ឌឬស្សីកែវ ។
