អភិបាលខេត្តកំពង់ចាម ដាក់ចេញនូវផែនការ៤ ចំនុច ដើម្បីប្រយុទ្ធប្រឆាំងជៀសវាងកុំឲ្យមានរលកទី២ នៃវីរុសកូវីដ-១៩

(កំពង់ចាម)៖ ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម និងឯកឧត្ដម ខ្លូត ផន ប្រធានក្រុមប្រឹក្សាខេត្ត អញ្ជើញដឹកនាំកិច្ចប្រជុំបូកសរុប ដកពិសោធន៍ លើកការទប់ស្កាត់ នៃការរីករាលដាលវីរុសកូវីដ-១៩ នាព្រឹក ថ្ងៃទី ២៨ ខែឧសភា ២០២០ នៅសាលាខេត្តកំពង់ចាម
ឯកឧត្តម អ៊ុន ចាន់ដា អភិបាលខេត្ត និងជាប្រធានគណៈកម្មការប្រយុទ្ធប្រឆាំង នឹងជំងឺកូវីដ១៩ ខេត្ត បានផ្តាំផ្ញើដល់អាជ្ញាធរក្រុង/ស្រុក មន្ទីរ-អង្គភាពជុំវិញខេត្តត្រូវបន្តវិធានការអប់រំដល់គ្រប់អ្នកពាក់ព័ន្ធទាំងអស់ ជៀសវាងកុំឲ្យមានរលកទី២ នៃវីរុសកូវីដ-១៩ មកលើកបងប្អូនប្រជាពលរដ្ឋរបស់យើង និងបន្តចុះធ្វើអត្តសញ្ញាណកម្មបងប្អូនប្រជាពលរដ្ឋក្រីក្រនៅតាមមូលដ្ឋាន ដែលជាការងារបន្ទាន់ដែលយើងទាំងអស់គ្នាត្រូវអនុវត្ត ឯកឧត្តម អភិបាលខេត្តបានផ្តាំផ្ញើដល់គ្រប់ថ្នាក់គ្រប់ផ្នែកបន្តការអប់រំដល់បងប្អូនប្រជាពលរដ្ឋយើងលើការគោរព និងអនុវត្តច្បាប់ចរាចរណ៍ផ្លូវគោក។