ព្រឹកនេះអង្គភាពអ្នកនាំពាក្យរាជរដ្ឋាភិបាល រៀបចំសន្និសីទសារព័ត៌មានស្ដីពី «ស្ថានភាពរបបជនសាស្ដ្រ ក្នុងអាងទឹកទន្លេមេគង្គ និងទន្លេសាប នាពេលបច្ចុប្បន្ន»


 អង្គភាពអ្នកនាំពាក្យរាជរដ្ឋាភិបាល នៅព្រឹកថ្ងៃទី១១ ខែសីហា ឆ្នាំ២០២០នេះ មានរៀបចំសន្និសីទសារព័ត៌មាន ស្ដីពី «ស្ថានភាពរបបជលសាស្ដ្រ ក្នុងអាងទឹកទន្លេមេគង្គ និងទន្លេសាប នាពេលបច្ចុប្បន្ន» នៅជាន់ផ្ទាល់ដី សាលសេរីភាព នៃទីស្ដីការគណៈរដ្ឋមន្ដ្រី។

សន្និសីទនេះ មានគោលបំណង បង្ហាញជូនសាធារណជនឲ្យបានយល់ច្បាស់ពីស្ថានភាពជលសាស្ដ្រក្នុងអាងទឹកទន្លេមេគង្គ និងទន្លេសាប នាពេលបច្ចុប្បន្ន ដែលមានសភាពប្រែប្រួលនៃកម្ពស់ទឹក បង្កឡើងដោយការប្រែប្រួលអាកាសធាតុ (ភ្លៀងធ្លាក់តិច) ដោយរួមមានខ្លឹមសារសំខាន់ៗដូចខាងក្រោម៖

* ចំណែកគ្រប់គ្រងនៃរបបទឹកនៅតាមបណ្ដាប្រទេសទន្លេមេគង្គ
* ស្ថានភាពជលសាស្ដ្រ និងការប្រែប្រួល (ការថយចុះ) នៃរបបទឹកទន្លេមេគង្គនៅកម្ពុជា
* កិច្ចសហប្រតិបត្តិការនានាក្នុងតំបន់ទន្លេមគង្គ ដើម្បីចូលរួមដោះស្រាយបញ្ហាប្រឈម។

ក្នុងសេចក្ដីជូនដំណឹង បានឲ្យដឹងថា សន្និសីទសារព័ត៌មាននេះ មានការសម្របសម្រួលពី ឯកឧត្តម ផៃ ស៉ីផាន រដ្ឋមន្ដ្រីប្រតិភូអមនាយករដ្ឋមន្ដ្រី និងជាប្រធានអង្គភាពអ្នកនាំពាក្យរាជរដ្ឋាភិបាល និងមានការអញ្ជើញចូលរួមជាវាគ្មិនពីតំណាងក្រសួងធនធានទឹក និងឧតុនិយម៕