យោងតាមប្រសាសន៍សម្តេចអគ្គសេនាបតីតេជោ ហ៊ុន បានមានប្រសាសន៍ជូនចំពោះឧបនាយករដ្ឋមន្ត្រីក្រសួងការងារជាតិ ថា ផ្លូវមហាវិថីសម្តេចតេជោ អាចជាផ្លូវសម្រាប់ចុះចតរបស់យន្តហោះប្រភេទមួយចំនួន ប្រសិនបើព្រលានយន្តហោះភ្នំពេញអន្តរជាតិមានបញ្ហាណាមួយកើតឡើង។
សម្តេចបានបន្តថា យន្តពេលដែលត្រូវចុះចតនៅព្រលានយន្តហោះភ្នំពេញអន្តរជាតិ ប៉ុន្តែមានបញ្ហាអាចធ្វើការចុះចតនៅព្រលានយន្តហោះនៅសៀមរាប ហាណូយប្រទេសវៀតណាម ឬប្រទេសថៃសម្រាប់យន្តហោះដែលនៅសល់សាំង ប៉ុន្តែបើយន្តមាន សំាងមិនគ្រប់គ្រាន់អាចធ្វើការចុះចតនៅផ្លូវ៦០ម៉ែត្រនេះ។
សម្តេចបន្ថែមថា នេះគ្រាន់តែអនុសាសន៍ដើម្បីធ្វើការពិចារណា ដែរឈានទៅដល់ត្រួតពិនិត្របច្ចេកទេសក្នុងការធ្វើការសាកល្បងក្នុងការចុះចត ជាពិសេសយន្តយោធាក៏អាចចុះចតបានដែរ។
សូមបញ្ជាក់ថា មហាវិថីសម្តេចតេជោ ហ៊ុន សែន ឬហៅថាផ្លូវ ៦០ម៉ែត្រនេះ មានប្រវែងសរុប៩,១៦០ម៉ែត្រ មានទទឹងអ៊ុតកៅស៊ូ៣០ម៉ែត្រ និងមានចិញ្ចើមផ្លូវ១៥ម៉ែត្រសងខាងសរុប ៦០ម៉ែត្រ។ ផ្លូវ៦០ម៉ែត្រនេះឆ្លងកាត់បឹងជើងឯក និងបឹងទំពុន ភ្ចាប់ពីផ្លូវលេខ២៧១ នៅច្រមុះជ្រូកក្បាលថ្នល់ ខណ្ឌចំការមន ទៅភ្ជាប់ជាមួយផ្លូវជាតិលេខ២ ព្រែកកំពឹស ក្រុងតាខ្មៅ៕