លោកជំទាវឧបនាយករដ្ឋមន្ត្រី ម៉ែន សំអន រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច បានអញ្ជើញជាអធីបតីក្នុងពិធីជូនពរឆ្នាំថ្មីប្រពៃណីជាតិខ្មែរនៅខេត្តស្វាយរៀងដែលមានការចូលរួមពីមន្ត្រីរាជការ ស្រុក ក្រុង ទាំងប្រាំបី រួមជាមួយមន្ត្រីរាជការមន្ទីរនានាជុំវិញខេត្ត ហើយក៏មានការអញ្ជើញ ចូលរួមពីភ្ញៀងវៀតណាមដែលមានខេត្តជាប់ព្រំដែនខេត្តស្វាយរៀង គឺខេត្តទ្បុងអាននិងខេត្តតៃនីញ នៅសាលប្រជុំសណ្ឋាគាទន្លេវ៉ៃគោ ខេត្តស្វាយរៀង ថ្ងៃទី៦ខែមេសាឆ្នាំ២០១៧។
ឆ្លៀតក្នុងឱកាសនោះលោកជំទាវក៏បានមានប្រសាសន៍ថា ការរៀបចំ ពីធីនេះគឺដើម្បីពង្រឹងនូវទំនាក់ទំនង និងកិច្ចសហប្រតិបត្តិការនៃ ប្រទេសទាំងពីរដែលមានព្រំដែននៅជាប់គ្នា ។
លោកជំទាវក៏បានថ្លែងអំណរគុណដល់ថ្នាក់ដឹកនាំនៃរាជារដ្ឋាភិបាលវៀតណាម ដែលបានរក្សានូវប្រពៃណី សាសនា ស្នាដៃដែលជាសមិទ្ធិផល នានា ជាពិសេសបានជួយឧបត្ថម្ភគាំទ្រលើការងារមនុស្សធម៌ សម្រាប់ជួយដល់ប្រជាពលរដ្ឋនៅខេត្តស្វាយរៀង ។
លោកជំទាវក៏បានស្នើឲ្យអាជ្ញាធរគ្រប់លំដាប់ថ្នាក់ និងអាជ្ញាធរពាក់ព័ន្ធក្នុងខេត្ត ក៏ដូចជានៅទូទាំងប្រទេស ត្រូវបន្តពង្រឹងអនុវត្តន៍ការងារសន្តិសុខសណ្តាប់ធ្នាប់សង្គមឲ្យបានល្អក្នុងឱកាសបុណ្យចូលឆ្នាំថ្មីប្រពៃណីខ្មែរដែលនឹងជិតចូលមកដល់នាពេលខាងមុខនេះ គឺធ្វើយ៉ាងណាឲ្យប្រជាពលរដ្ឋបានសប្បាយរីករាយ និងត្រៀមក្នុងការជួយសង្គ្រោះបន្ទាន់នានា ដែលកើតឡើងជាយថាហេតុ។
