មនុស្សច្រើនពាន់គ្រួសារ នឹងរងការដាច់ចរន្តអគ្គិសនីបណ្ណោះអាសន្នទៀតហើយក្នុងចុងសប្ភាហ៍នេះ ដែលការដាច់ភ្លើង នឹងមានយ៉ាងហោចមានរយៈពេល៨ម៉ោងដែរក្នុងមួយថ្ងៃៗ។ យើងតាមអគ្គិសនីកម្ពុជា នៅថ្ងៃសុក្រទី១២ ខែកុម្ភៈ តំបន់ដែលរងការដាច់ភ្លើងគឺៈ
ទី១- ស្ថិតនៅក្នុងសង្កាត់ព្រែកថ្មី,… សង្កាត់ព្រែកប្រា ខណ្ឌច្បារអំពៅ
ទី២- ស្ថិតនៅភូមិសំបូរក្នុងសង្កាត់ដង្កោ ខណ្ឌដង្កោ
ទី៣- ស្ថិតនៅភូមិទួលគោកក្នុងសង្កាត់ទួលសង្កែ ខណ្ឌឬស្សីកែវ,… ភូមិទំនប់,… ភូមិពោងពាយ,… ភូមិបាយ៉ាប,… ភូមិភ្នំពេញថ្មី ក្នុងសង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ នឹងត្រូវដាច់ភ្លើងចាប់ពីម៉ោង ៨ព្រឹក ដល់ម៉ោង ៤ល្ងាច ។
នៅថ្ងៃសៅរទី១៣ ខែកុម្ភៈ តំបន់ដែលរងការដាច់ភ្លើងគឺៈ
ទី១- សិ្ថតនៅភូមិព្រៃល្ង,… ភូមិស្រែជំរៅ,… ភូមិព្រៃស្ពឺ,… ភូមិដំណាក់ត្រយឹង,… ភូមិព្រៃកំបុត,… ភូមិព្រៃសណ្តែក ក្នុងសង្កាត់ចោមចៅ ខណ្ឌពោធិ៍សែនជ័យ
ទី២- សិ្ថតនៅភូមិកោះក្របី,… ភូមិព្រែកថ្មី ក្នុងសង្កាត់ព្រែកថ្មី ខណ្ឌច្បារអំពៅ
ទី៣- សិ្ថតនៅតាមបណ្តោយផ្លូវជាតិលេខ៥ ចាប់ពីភូមិផ្សារលិចក្នុងសង្កាត់ព្រែកព្នៅ ខណ្ឌព្រែកព្នៅ រាជធានីភ្នំពេញ រហូតដល់ឃុំព្រែកតាទែន ក្នុងស្រុកពញាឮ ខេត្តកណ្តាល ដែលនឹងត្រូវដាច់ភ្លើងចាប់ពីម៉ោង ៨ព្រឹក ដល់ម៉ោង ៥ល្ងាច ។
នៅថ្ងៃអាទិត្យទី១៤ ខែកុម្ភៈ តំបន់ដែលរងការដាច់ភ្លើងគឺៈ
ទី១- ភ្លើងស្ថិតនៅភូមិឃ្មួញ,… ភូមិអន្លង់ក្ងាន,… ភូមិសំរោង ក្នុងសង្កាត់ឃ្មួញ ខណ្ឌសែនសុខ
ទី២- ភ្លើងស្ថិតនៅភូមិកោះក្របី ភូមិព្រែកថ្មី ក្នុងសង្កាត់ព្រែកថ្មី ខណ្ឌច្បារអំពៅ
ទី៣- ស្ថិតនៅតាមបណ្តោយផ្លូវជាតិលេខ៥ ចាប់ពីភូមិផ្សារលិចក្នុងសង្កាត់ព្រែកព្នៅ ខណ្ឌព្រែកព្នៅ រាជធានីភ្នំពេញ រហូតដល់ឃុំ ព្រែកតាទែន ក្នុងស្រុកពញាឮ ខេត្តកណ្តាល ត្រូវដាច់ភ្លើងចាប់ពីម៉ោង ៨ព្រឹកដល់ម៉ោង ៥ល្ងាច ។
អគ្គិសនីកម្ពុជា បានថ្លែងថា ការដាច់ភ្លើងនេះ ដោយសារការជួសជុល… ការផ្លាស់ប្តូរដំឡើងបរិក្ខារ និងរុះរើគន្លងខ្សែបណ្តាញដើម្បីបង្កលក្ខណៈដល់ការដ្ឋានពង្រីកផ្លូវ ។
