រសៀលថ្ងៃទី២៧ ខែតុលា ឆ្នាំ២០២១
ឯកឧត្តមប៉ាន់ខែម ប៊ុនថននាយករងខុទ្ទកាល័យសម្តេចតេជោនាយករដ្ឋមន្ត្រី រួមដំណើរដោយឯកឧត្តមឌៀង សារ៉ាន់ ឯកឧត្តមគង់ ចំរុង លោកប៉ាន់ខែម វឌ្ឍនា លោកលី សុផានិត្យ លោក បុត្រ រំដួលរង្សី បានដឹកនាំកម្លាំងយុវជនស្រលាញ់សន្តិភាព រួមជាមួយរ៉ឺម៉កសន្តិភាព ចូលរួមជាមួយអាជ្ញាធររាជធានីភ្នំពេញ ចុះគោលដៅខណ្ឌដង្កោ សង្កាត់សាក់សំពៅ ដែលទឹកជំនន់កំពុងវាយលុក រួមគ្នាធ្វើ រួមគ្នាជួយ ដើម្បីគ្រប់គ្រងសភាពការណ៍។
ឯកឧត្តមប៉ាន់ខែម ប៊ុនថនបានបញ្ជាក់ថាចំពោះយុវជនស្រលាញ់សន្តិភាព និងរ៉ឺម៉កសន្តិភាពគឺរៀបចំបោះតង់ ស្នាក់នៅប្រចាំការដើម្បីងាយចេញកម្លាំងតាមតម្រូវការ និងរៀបចំចុងភៅចំអិនអាហារប្រចាំការនៅទីនោះរហូតទឹកស្រកទៅវិញ។
