ថ្ងៃទី២១ ខែវិច្ឆិកា ឆ្នាំ២០២១ឯកឧត្តម សុះ មុះសិន សមាជិកគណៈកម្មការទី៨ នៃរដ្ឋសភា អនុប្រធានសហភាពសហព័ន្ធយុវជនកម្ពុជា និងជាប្រធានសមាគមនិស្សិតមុស្លិមកម្ពុជា បានអញ្ជើញចុះអប់រំផ្សព្វផ្សាយ និងផ្តល់អំណោយគ្រួសារដែលប៉ះពាល់ដោយសារជំងឺកូវីដ-១៩ សរុបចំនួន ១០០គ្រួសារ ស្ថិតនៅក្នុងភូមិបេងថ្មី ឃុំសេដា ស្រុកតំបែរ ខេត្តត្បូងឃ្មុំ ។
អញ្ជើញចូលរួមក្នុងពិធីរួមមាន ឯកឧត្តមវេជ្ជបណ្ឌិត សាន់ សាប់អី រដ្ឋលេខាធិការក្រសួងសុខាភិបាល អនុប្រធានសមាគមនិស្សិតមុស្លិមកម្ពុជា ឯកឧត្តមវេជ្ជបណ្ឌិត ពាស់ មូស្លីម អនុរដ្ឋលេខាធិការក្រសួងសុខាភិបាល អនុប្រធានសមាគមនិស្សិតមុស្លិមកម្ពុជា លោកជំទាវ យូសុះ អាលីយ៉ា អនុរដ្ឋលេខាធិការក្រសួងមុខងារសាធារណៈ លោកអភិបាលនៃគណៈអភិបាលស្រុកតំបែរ យុវជន ស.ស.យ.ក យុវជន ស.ន.ម.ក លោកប្រធាន អនុប្រធាននៃក្រុមការងារសមាគមនិស្សិតមុស្លិមកម្ពុជាខត្តត្បូងឃ្មុំ ព្រមជាមួយអាជ្ញាធរមូលដ្ឋាន និងប្រជាពលរដ្ឋផងដែរ ។
ឯកឧត្តមបានអំពាវនាវដល់បងប្អូនប្រជាពលរដ្ឋទាំងអស់ សូមបន្តការពារជំងឺកូវីដ-១៩ ដោយអនុវត្តតាមវិធានសុខាភិបាល ៣ការពារ ៣កុំ និងថែរក្សាសុខភាពឱ្យបានល្អ ដោយហូបស្អាត ផឹកស្អាត និងរស់នៅស្អាត និងសូមបន្តយកចិត្តទុកដាក់បង្ការនូវជំងឺឆ្លងផ្សេងៗ ។
សូមបញ្ជាក់ថា អំណោយដែលចែកជូន រួមមាន៖ អង្ករ ១៥០០គីឡូ មី១០០០កញ្ចប់ អំបិល១០០គីឡូ ត្រីខ៣០០កំប៉ុង ប្រេងឆា ១០០ដប និងទឹកត្រី៤០០ដប។
