រសៀលថ្ងៃទី១៨ ខែឆ្នូ ឆ្នាំ២០២២
ឯកឧត្តមវេជ្ជ.សុះ មុះសិន សមាជិកគណៈកម្មាធិការកណ្តាលគណបក្សប្រជាជនកម្ពុជា និងជាអនុប្រធានគណចលនាសាសនិកឥស្លាមកម្ពុជា និងលោកជំទាវ បានអញ្ជើញជាអធិបតីក្នុងពិធីជួបសំណេះសំណាល និងផ្ដល់ប្រាក់ឧបត្ថម្ភជូនប្អូនៗកុមារកំព្រា ចិញ្ចឹមតាមផ្ទះក្នុងឆមាសទី២ ឆ្នាំ២០២២ សរុបចំនួន ២០០នាក់ ដែលត្រូវបានជ្រើសរើសពី ១៣ រាជធានី-ខេត្ត ដោយក្នុងម្នាក់ៗទទួលបានថវិកាចំនួន ២០០.១៣ដុល្លា សរុបជាទឹកប្រាក់ស្មើនឹង ៤៥.៦៤១.៤៩ ដុល្លាសហរដ្ឋអាមេរិក ។ ដែលបានប្រារព្ធធ្វើឡើងនៅក្នុងបរិវេណមជ្ឈមណ្ឌលផ្ទះអេមីរ៉ាតសំរាប់ក្មេងកំព្រា ស្ថិតក្នុងភូមិព្រែកតាពៅ សង្កាត់ព្រែកប្រា ខណ្ឌច្បារអំពៅ រាជធានីភ្នំពេញ ។
ពិធីនេះមានការអញ្ជើញចូលរួមពី ឯកឧត្តម លី សុគ្រី តំណាងរាស្រ្តមណ្ឌលខេត្តតាកែវ ឯកឧត្តម វេជ្ជបណ្ឌិត ពាស់ មូស្លីម អនុរដ្ឋលេខាធិការ ក្រសួងសុខាភិបាល លោកជំទាវ យូសុះ អាលីយ៉ា អនុរដ្ឋលេខាធិការក្រសួងមុខងារសាធារណ: លោក ញាណ ច័ន្ទសភា អភិបាលរងខណ្ឌច្បារអំពៅ អាជ្ញាធរដែនដី និងក្រុមការងារ ស.ន.ម.ក រាជធានីភ្នំពេញ ។
ឯកឧត្តមវេជ្ជ.សុះ មុះសិន បានមានប្រសាសន៍ថា គោលបំណងនៃការចិញ្ជឹមក្មេងកំព្រាតាមមូលដ្ឋាន គឺដើម្បីជួយសម្រាលបន្ទុករបស់អាណាព្យាបាលលើការផ្គត់ផ្គង់ជីវភាពចិញ្ចឹមបីបាច់ថែរក្សា ថែទាំសុខភាព និងពិសេសផ្ដល់លទ្ធភាពឲ្យក្មេងៗបានទទួលការអប់រំដូចក្មេងទូទៅដែរ និងចូលរួមចំណែក ជាមួយរាជរដ្ឋាភិបាលក្នុងការគាំពារវិស័យ សង្គមកិច្ច ការបណ្តុះបណ្តាលកុមារ ពិសេសកាត់បន្ថយភាពក្រីក្រជូនប្រជាពលរដ្ឋ ។
ក្នុងឱកាសនោះដែរ ឯកឧត្តម ក៍បានផ្ដាំផ្ញើរដល់អាណាព្យាបាលត្រូវខិតខំចិញ្ចឹមបីបាច់ថែរក្សាកូនចៅ និងចូលរួមជាមួយរាជរដ្ឋាភិបាលក្នុងការទប់ស្ដាក់ការរីករាលដាល់នៃជំងឺកូវីដ-១៩ ដោយត្រូវគោរពតាមវិធានការសុខាភិបាលដោយ រស់នៅរក្សាគម្លាត លាងដៃអោយបានញឹកញាប់ និងសាប៊ូ អាល់កុល ពាក់មាស់នៅគ្រប់ទីកន្លែង ។
