គិតមកដល់ថ្ងៃទី ០៣ ខែសីហា ឆ្នាំ ២០១៧ នេះ បណ្តាអាងទឹកនៅក្នុងខេត្តព្រះវិហារ និងខេត្តឧត្តរមានជ័យ ដែលបានរងការខូចខាតដោយសារទឹកជំនន់នាពេលកន្លងមក ត្រូវបានក្រសួងធនធានទឹក និងឧតុនិយម ធ្វើការជួសជុលឡើងវិញជាបន្ទាន់ និងទទួលបានលទ្ធផលដូចខាងក្រោម ៖
១. អាងទឹក ០៥ ស្ថិតក្នុងឃុំអូរស្វាយ ស្រុកត្រពាំងប្រាសាទ ខេត្តឧត្តរមានជ័យ សម្រេចបានការងារបាន ១០០ % ។
២. អាងទឹកតាម៉ុក ស្ថិតក្នុងឃុំអន្លង់វែង ស្រុកអន្លង់វែង ខេត្តឧត្តរមានជ័យ សម្រេចការងារបានប្រមាណ ៧០% ។
៣. អាងទឹកអូរស្វាយ ស្ថិតនៅក្នុងឃុំស្រអែម ស្រុកជាំក្សាន្ត ខេត្តព្រះវិហារ សម្រេចការងារបានប្រមាណ ៨០% ហើយគ្រោងនឹងបញ្ចប់ក្នុងរយៈពេល ២ ថ្ងៃ ខាងមុខ ។
ទន្ទឹមនឹងការជួសជុលអាងទឹកទាំង ៣ ខាងលើ បង្កាន់ដៃស្ពានឆ្លងកាត់ព្រែកជីក ដែលបានបាក់ខូចខាតដោយទឹកជំនន់ ក៏ត្រូវបានក្រសួងធនធានទឹក និងឧតុនិយម ធ្វើការជួសជុលឡើងវិញផងដែរ ហើយមកដល់ពេលនេះ សម្រេចការងារបានប្រមាណ ៣០% ។
