ព្រឹកថ្ងៃទី២៧ ខែកញ្ញា ឆ្នាំ២០១៧លោក ម៉ននី បណ្ឌិត អភិបាល នៃគណៈអភិបាលស្រុកស៊ីធរកណ្តាល និងដោយមានការចូលរួមពី លោកអភិបាលរងស្រុក,ជំទប់ទី២ និងក្រុមប្រឹក្សាឃុំព្រៃដើមថ្នឹង បក្សប្រជាជនកម្ពុជា, យុវជនបក្សប្រជាជនស្រុក និងឃុំ, ប្រធានការិ អប់រំស្រុក, សសយកស្រុក, លោកនាយក នាយករង លោកគ្រូ អ្នកគ្រូ និងសិស្សានុសិស្សនៃវិទ្យាល័យព្រៃដើមថ្នឹង ប្រមាណជាង ១០០ នាក់ បានធ្វើការជួសជុលឈូសឆាយផ្លូវដីរំ១ខ្សែ ដែលរងការខូចខាតដោយសារទឹកភ្លៀង ដែលបង្កជាផលលំបាកក្នុងការធ្វើដំណើរ របស់ប្រជាជនយើង។
ដោយបានឃើញពីផលលំបាកទាំងនេះ តាមរយៈលោកអភិបាលស្រុក និងដោយមានការឧបត្ថម្ភពីព្រះអង្គ ឆឹម ចាន់ថា គង់នៅកោងស្រែ ឃុំល្វេ និងលោកទឹម ចាន់នី សប្បុរសជនឃុំព្រៃដើមថ្នឹង ដែលបានជួយជាថវិកា ឧបត្ថម្ភដើម្បីទិញដី សម្រាប់ឈូឆាយ ជួយសម្រួលដល់ការធ្វើដំណើររបស់បងប្អូនប្រជាជនក្នុងឃុំព្រៃដើមថ្នឹង ស្រុកស៊ីធរកណ្តាល ។
នេះជាការសបញ្ជាក់អោយឃើញច្បាស់ពីការយកចិត្តទុកដាក់ របស់ថ្នាក់ដឹកនាំគណៈបក្សប្រជាជនកម្ពុជា ពិសេសអាជ្ញាធរមូលដ្ឋានដែលតែងតែយកចិត្តទុកដាក់ និងដោះស្រាយដំរូវការរបស់បងប្អូនប្រជាពលរដ្ឋក្នុងមូលដ្ឋានរបស់គាត់។