រាជធានីភ្នំពេញ ៖ នាព្រឹកថ្ងៃទី០៣ ខែតុលា ឆ្នាំ២០១៧ នៅអគាររដ្ឋបាលថ្មីនៃក្រសួងអប់រំ យុវជន និងកីឡា មានប្រារព្ធពិធីប្រកួតប្រជែងស្មូតកំណាព្យ និងតែងនិពន្ធ ដើម្បីអបអរសាទរទិវាគ្រូបង្រៀន ៥ តុលា ២០១៧ ក្រោមអធិបតីភាព លោកជំទាវ ចាន់ ធី រដ្ឋលេខាធិការក្រសួងព័ត៌មាន លោកជំទាវ ទន់ សាអ៊ីម អនុរដ្ឋលេខាធិការក្រសួងអប់រំ យុវជន និងកីឡា និងឯកឧត្ដម លោក លោកស្រី ប្រធាននាយកដ្ឋាន សាស្ត្រាចារ្យ មន្ត្រីអប់រំ និងលោកគ្រូ អ្នកគ្រូ បេក្ខជន បេក្ខនារី ចូលរួមប្រកួត។
ក្រសួងបានបង្កើតការ ប្រកួតប្រជែងស្មូតកំណាព្យ និងតែងនិពន្ធតាមបណ្ដាលរាជធានី ខេត្ត ដោយជ្រើសរើសជយលាភីលេខ១ ផ្នែកស្មូតកំណាព្យ និងលេខ១ផ្នែកតែងនិពន្ធ យកមកប្រកួតបន្តនៅថ្នាក់ជាតិ ដើម្បីពានរង្វាន់ព្រះភិរម្យភាសាអ៊ូ ហៅង៉ុយ និងពានរង្វាន់សម្ដេចព្រះសង្ឃរាជ ជួន ណាត នៅថ្ងៃប្រារព្ធពិធី។ ការប្រកួតប្រជែងនេះរយៈពេល២ថ្ងៃ ចាប់ពីថ្ងៃទី៣ ដល់ថ្ងៃទី៤ ខែកញ្ញា ឆ្នាំ២០១៧។