លោកស្រី យូ សុភា ចុះសាកសួរសុខទុក្ខ និងដឹកនាំក្រុមគ្រូពេទ្យកូរ៉េ ចុះជួយព្យាបាលជំងឺដល់ប្រជាពលរដ្ឋនៅសង្កាត់គោកចក


 

ខេត្តសៀមរាប ៖ បន្ទាប់ពីក្រុមការងារអន្តរវិស័យរបស់សាលាខេត្តបាននាំក្រុមគ្រូពេទ្យកូរ៉ូចុះព្យាបាលជម្ងឺជូននងប្អូនប្រជាពលរដ្ឋនៅសង្កាត់គោកចកអស់រយៈពេលមួយព្រឹកកន្លងមក។

កាលពីរសៀលថ្ងៃទី១០ ខែវិច្ឆិកា ឆ្នាំ២០១៧​ លោកស្រី​ យូ​សុភា​ អភិបាលរងខេត្តបានអញ្ចើញចុះសាកសួរសុខទុក្ខ​ដល់ប្រជាពលរដ្ឋ ក៏ដូចជាក្រុមគ្រូពេទ្យកូរ៉េ ដែលបានចុះជួយព្យាបាលជំងឺ​ កាត់សក់​ ផ្តល់វែនតាជូនប្រជាពលរដ្ឋ និងកុមារនៅក្នុងបរិវេណវិទ្យាល័យ ហ៊ុន សែន សៀមរាប ស្ថិតនៅភូមិត្រពាំងសេះ សង្កាត់គោកចក ក្រុងសៀមរាប ខេត្តសៀមរាប។

ការចុះសួរសុខទុក្ខនេះ គឺជាការលើកទឹកចិត្តដល់បងប្អូនប្រជាពលរដ្ឋ ក៏ដូចជាក្រុមគ្រូពេទ្យដែលបានយកអស់កម្លាំងកាយ កម្លាំងចិត្ត និងពេលវេលាដ៏មានតម្លៃសម្រាប់ជួយដល់ប្រជាពលរដ្ឋខ្មែរ៕