កំពង់ឆ្នាំងៈនៅថ្ងៃទី៨ ខែធ្នូ ឆ្នាំ២០១៧ លោកឧត្តមសេនីយ៍ត្រី ធន ធឿន ប្រធានសមាគមអតីយុទ្ធជនកម្ពុជា ខេត្តកំពង់ឆ្នាំង បានដឹកនាំមន្រ្តីក្រុមការងារ សមាគមអតីយុទ្ធជន ខេត្ត ស្រុក ឃុំទួ អញ្ជើញយកថវិកា បេឡាមរណសង្រ្គោះ ចំនួន ៤,០០០,០០០ រៀល របស់សមាគមអតីតយុទ្ធជនកម្ពុជា ទៅជូនលោកស្រី កែវ យឿម ត្រូវជាប្អូនរបស់សព ឈ្មោះ ម៉ែន ម៉ឹក ជាអតីតគ្រួសាររបស់យុទ្ធជនពលី នៅភូមិថ្នល់ថ្មី ឃុំជ្រៃបាក់ ស្រុករលាប្អៀរ ខេត្តកំពង់ឆ្នាំង ។
ក្នុងឱកាសនោះ លោកប្រធាន ក៏បានមានប្រសាសន៍សូមអភ័យទោសដល់ក្រុមគ្រួសារនៃសព ដែលក្រុមការងារ ស.អ.ក មានការយឺតយ៉ាវក្នុងការប្រគល់ថវិកាជូនក្នុងពេលប្រារព្វពិធីបុណ្យសព នេះផងដែរ៕
