រាជធានីភ្នំពេញ៖ នៅព្រឹកថ្ងៃអង្គារ ៩កើត ខែបុស្ស ឆ្នាំរកា នព្វស័ក ព.ស២៥៦១ ត្រូវនឹងថ្ងៃទី២៦ ខែធ្នូ ឆ្នាំ២០១៧ នៅអគាររដ្ឋបាលនៃក្រសួងអប់រំ យុវជន និងកីឡា មានរៀបចំកិច្ចប្រជុំការងារប្រតិបត្តិ និងក្រុមការងាររៀបចំកម្មវិធីមហោស្រពអប់រំ និងវប្បធម៌យុវជនអន្តរជាតិ ឆ្នាំ២០១៨ ក្រោមអធិបតីភាពលោកជំទាវ គឹម សេដ្ឋានី រដ្ឋលេខាធិការក្រសួងអប់រំ យុវជន និងកីឡា និងជាប្រធានក្រុមការងារប្រតិបត្តិ IYECF 2018 រួមជាមួយវត្តមានឯកឧត្ដម លោកជំទាវ លោក លោកស្រី ប្រធាន និងមន្ត្រីអប់រំជាច្រើនរូបទៀត។
កិច្ចប្រជុំនេះ ត្រូវបានរៀបចំឡើង ដើម្បីបង្កើតគណៈកម្មការ និងការត្រៀមរៀបចំកម្មវិធីមហោស្រពអប់រំ និងវប្បធម៌យុវជនអន្តរជាតិសម្រាប់ឆ្នាំ២០១៨ ដែលជាព្រឹត្តិការណ៍មួយផ្ដល់ឱកាសដល់យុវជនកម្ពុជា និងយុវជនអន្តរជាតិ ផ្លាស់ប្ដូរចំណេះដឹងគ្នាទៅវិញទៅមក៕