រាជធានីភ្នំពេញ៖ បន្ទប់បណ្ដុះបណ្ដាលកុំព្យូទ័រចំនួន០២ នៅវិទ្យាល័យទួលអំពិល និងវិទ្យាល័យពងទឹក ក្នុងខណ្ឌដង្កោ ត្រូវបានដាក់សម្ពោធឱ្យប្រើប្រាស់ជាផ្លូវការ ក្រោមអធិបតីភាព ឯកឧត្ដមបណ្ឌិតសភាចារ្យ ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា នាព្រឹកថ្ងៃអង្គារ ៧កើត ខែមាឃ ឆ្នាំរកា នព្វស័ក ព.ស២៥៦១។
ក្នុងបន្ទប់បណ្ដុះបណ្ដាលកុំព្យូទ័រទាំងពីរ មានបំពាក់កុំព្យូទ័រ ដែលតភ្ជាប់បណ្ដាញអ៊ីនធឺណិត (ឥតគិតថ្លៃ) រួចជាស្រេច ដើម្បីប្រើប្រាស់សម្រាប់ជំនួូយដល់ការបង្រៀន និងរៀនរបស់លោកគ្រូអ្នកគ្រូ និងសិស្សានុសិស្ស ។ ក្នុងឱកាសនោះផងដែរ ឯកឧត្ដមបណ្ឌិតសភាចារ្យរដ្ឋមន្ត្រី បានពិនិត្យមើល ហេដ្ឋារចនាសម្ព័ន្ធថ្មីរបស់សាលារៀន ដែលបានក្រោយការជួសជុល ក្រោមការឧបត្ថម្ភរបស់ក្រសួងអប់រំ យុវជន និងកីឡា៕