ខេត្តកែប៖ នៅព្រឹកថ្ងៃចន្ទ ១២រោច ខែមាឃ ឆ្នាំរកា នព្វស័ក ព.ស ២៥៦១ ត្រូវនឹងថ្ងៃទី១២ ខែកុម្ភៈ ឆ្នាំ២០១៨ នៅវត្តភ្នំលាវ មានរៀបចំពិធីសម្ពោធដាក់ឲ្យប្រេីប្រាស់ ជាផ្លូវការ នូវកុដិចំនួនមួយខ្នង មានកម្ពស់២ជាន់ និងសមិទ្ធផលនានា ក្នុងវត្តភ្នំលាវ ឃុំពងទឹក ស្រុកដំណាក់ចង្អើរ ក្រោមអធិបតីភាព ឯកឧត្តម កែន សត្ថា អភិបាលនៃគណៈអភិបាលខត្ត។
ក្នុងពិធីសម្ពោធនេះផងដែរ ក៏មានការអញ្ចើញចូលរួមពីលោកឧត្ដមសេនីយ៍ មេបញ្ជាការ មេបញ្ជាការរង គណៈអភិបាលក្រុង ស្រុក ប្រធាន អនុប្រធានមន្ទីរ អង្គភាពជុំវិញខេត្ត មន្ត្រីរាជការគ្រប់លំដាប់ថ្នាក់ អាជ្ញាធរមូលដ្ឋាន និងបងប្អូនប្រជាពលរដ្ឋចូលរួមសរុបចំនួន ៣៦៧នាក់។
នាឱកាសនោះដែរ ឯកឧត្តម កែន សត្ថា អភិបាល នៃគណៈអភិបាលខេត្ត ក៏បានអញ្ចើញជាកិត្តិយសក្នុងពិធីកាត់ខ្សែបូរណ៍សម្ពោធដាក់ឲ្យប្រើប្រាស់ជាផ្លូវការកុដិ និងសមិទ្ធផលនានា និងបានអញ្ចើញចូលរួមរាប់បាត្រដល់ព្រះសង្ឃចំនួន ៩៧អង្គ ដែលមានការចូលរួមពី ថ្នាក់ដឹកនាំ មន្ត្រីរាជការ និងបងប្អូនប្រជាពលរដ្ឋជាពុទ្ធបរិស័ទទាំងទីជិតទាំងទីឆ្ងាយបានចូលរួមយ៉ាងច្រើនកុះករ៕
