ថ្ងៃទី ១៣ខែកុម្ភៈឆ្នាំ ២០១៨ ឯកឧត្ដម បណ្ឌិត អ៊ិត សំហេង រដ្ឋមន្ត្រីក្រសួងការងារនិងបណ្ដុះបណ្ដាលវិជ្ជាជីវៈ និងជាប្រធានគណៈកម្មាធិការជាតិ ស្ដីពី អនាម័យនិង សុវត្ថិភាពការងារ បានដឹកនាំ កិច្ចប្រជុំ គណៈកម្មាធិការជាតិស្ដីពីអនាម័យនិងសុវត្ថិភាពការងារលើកទី១ ដើម្បីពិភាក្សា ដោះស្រាយករណីដួលសន្លប់ របស់កម្មករ និយោជិត តាមអនុសាសន៍ ដ៏ខ្ពង់ខ្ពស់ របស់ សម្ដេច អគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា
អង្គប្រជុំបានឯកភាព
១-ចាតវិធានការបន្ទាន់ឆ្ទប់ស្កាត់និងដោះស្រាយរាល់ករណី ដួលសន្លប់ ជាយថាហេតុ
២-បង្កើតក្រុមការងារ សិក្សាស្រាវជ្រាវ និងផ្ដល់យោបល់ និង ក្រុមការងារបច្ចេកទេស សម្រាប់ស្រាវជ្រាវ កសាងបទបញ្ញត្តិ អនុវត្តន៍ ដែលមាន ឯកឧត្តម ហ៊ុយហានសុងរដ្ឋលេខាធិការ ក្រសួងការងារនិងបណ្ដុះបណ្ដាលវិជ្ជាជីវៈ និង ឯកឧត្តម អេង ហ៊ួតរដ្ឋលេខាធិការក្រសួងសុខាភិបាល ជាសហប្រធាន។
៣-បង្កើតភាពជាដៃគូជាមួយអង្គការពាក់ព័ន្ធ who ilo ilobfc និយោជក និង សហជីព ។
៤-កំណត់ពេល មួយខែ ដោះស្រាយការងារចំពោះមុខ។
៥-រៀបចំលេខាធិការដ្ឋាន ជំនួយការ ដែលមាននាយកដ្ឋាន ពេទ្យ ការងារ តំណាងក្រសួងសុខាភិបាល បសស និងដៃគូពាក់ព័ន្ធ ។
ឯឧ រដ្ឋមន្ត្រី អ៊ិត សំហេង អំពាវនាវដល់រោងចក្រទាំងអស់ត្រូវអនុវត្តន៍ហ្មត់ចត់នូវសេចក្ដីជូនដំណឹងស្ដីពីការពិនិត្យសុវត្ថិភាពមុនពេលធ្វើការ តាមពាក្យស្លោក សុវត្ថិភាពជាចំបង safty first ។
